चिलिमे हाइड्रोपावरको नाफा ८.९ प्रतिशत बढ्यो

News Summary

Generated by OK AI. Editorially reviewed.

चिलिमे हाइड्रोपावर कम्पनीको नाफा ८.९ प्रतिशतले वृद्धि भएको छ र चालु आर्थिक वर्षको तेस्रो त्रैमासिकसम्मको नाफा ५० करोड ७८ लाख रुपैयाँ पुगेको छ।
कम्पनीको विद्युत् बिक्री आम्दानी ७८ करोड २५ लाख रुपैयाँबाट बढेर ८२ करोड ४९ लाख रुपैयाँ पुगेको भए तापनि प्रतिसेयर आम्दानी र नेटवर्थ घटेको छ।
प्रतिसेयर आम्दानी ७ रुपैयाँ ७१ पैसा र नेटवर्थ १२८ रुपैयाँ ६१ पैसा रहेको छ, जुन पहिलेको तुलनामा कम भएको छ।

३० वैशाख, काठमाडौं । चिलिमे हाइड्रोपावर कम्पनीको नाफा ८.९ प्रतिशत बढेको छ ।

कम्पनीले सार्वजनिक गरेको चालु आर्थिक वर्षको तेस्रो त्रैमासिक अवधिसम्मको वित्तीय विवरणअनुसार खुद नाफा ५० करोड ७८ लाख रुपैयाँ छ । गत आर्थिक वर्षको यसै अवधिमा यस्तो नाफा ४६ करोड ६२ लाख रुपैयाँ थियो ।

कम्पनीको विद्युत् बिक्री आम्दानी बढेको छ । यस्तो आम्दानी पहिले ७८ करोड २५ लाख रुपैयाँ रहेकोमा अहिले ८२ करोड ४९ लाख रुपैयाँ छ । नाफा बढे पनि प्रतिसेयर आम्दानी बढ्न सकेको छैन । पहिले वार्षिक प्रतिसेयर आम्दानी ७ रुपैयाँ ७९ पैसा रहेकोमा अहिले ७ रुपैयाँ ७१ पैसा छ ।

कम्पनीको चुक्ता पूँजी बढ्दा प्रतिसेयर आम्दानीमा असर परेको हो । चुक्ता पूँजी पहिले ७ अर्ब ९८ करोड रहेकोमा अहिले ८ अर्ब ७८ करोड रुपैयाँ छ । प्रतिसेयर नेटवर्थ घटेको छ । पहिले प्रतिसेयर नेटवर्थ १४९ रुपैयाँ ६० पैसा रहेकोमा अहिले १२८ रुपैयाँ ६१ पैसा छ ।