३१ वैशाख, काठमाडौं । पश्चिमी न्यूनचापीय प्रणाली, स्थानीय वायु तथा तल्लो वायुमण्डलमा रहेको न्यून चापीय क्षेत्रको प्रभावका कारण देशका विभिन्न भागमा वर्षा भएको छ ।
जल तथा मौसम विज्ञान विभागको मौसम पूर्वानुमान महाशाखाका अनुसार आज बिहान विशेष गरी बागमती र कोशीका केही भेगमा वर्षा रेकर्ड भएको छ । गत २४ घण्टामा भने गण्डकीमा समेत वर्षा भएको थियो ।
महाशाखाका अनुसार हाल कोशी, मधेस, बागमती, गण्डकी र लुम्बिनी प्रदेशलगायत देशका हिमाली तथा पहाडी बादल लागेको छ । साथै कोशी, बागमती, लुम्बिनी र गण्डकी प्रदेशका केही स्थानमा मध्यम वर्षा भइरहेको छ ।
काठमाडौंको सुन्दरीजलमा एक घण्टामै १३ मिलिमिटर वर्षा मापन भएको छ । एक घण्टामा १० मिलिमिटर भन्दा बढी र ५० भन्दा कम वर्षा हुनुलाई मध्यम वर्षा भएको मानिन्छ ।
सिन्धुपाल्चोकको दुवाचौर र नवलपुर तथा आसपासका क्षेत्र र लमजुङको रैनास्टार र कुन्छा तथा आसपासका क्षेत्रमा पनि मध्यम वर्षा भइरहेको छ ।
आज दिउँसो कोशी प्रदेशका केही स्थानसहित बागमती र गण्डकी प्रदेशका हिमाली तथा पहाडी भागका केही स्थानमा वर्षा हुने पूर्वानुमान छ । साथै हिमाली तथा पहाडी भागका एक/दुई स्थान तथा मधेश, बागमती, गण्डकी र लुम्बिनी प्रदेशका तराई भागका एक/दुई स्थानमा मेघगर्जन तथा चट्याङसहित मध्यम वर्षाको सम्भावना छ ।
त्यसैगरी, आज राति कोशी र मधेश प्रदेशका केही स्थान, बागमती र गण्डकी प्रदेशका हिमाली तथा पहाडी भाग तथा कर्णाली प्रदेशका हिमाली भागका एक/दुई स्थानमा मेघगर्जन तथा चट्याङसहित मध्यम वर्षा तथा हिमपात हुनसक्ने महाशाखाले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4