विद्युतीय रेलमार्ग निर्माणमा ३३ अर्ब खर्च

News Summary

Generated by OK AI. Editorially reviewed.

नेपालको पूर्व–पश्चिम विद्युतीय रेलमार्गको निर्माणमा हालसम्म ३३ अर्ब ४५ करोड रुपैयाँ खर्च भएको छ।
यस परियोजनाले ६५ किलोमिटर ट्रयाकबेड र १६ पुल निर्माण गरेको छ।
कुल लागत अनुमान ९ खर्बबाट बढेर १५ खर्ब रुपैयाँ पुगेको छ र यो आयोजना २०८६/८७ मा सम्पन्न हुने लक्ष्य राखिएको छ।

३१ वैशाख, काठमाडौं । नेपालको पूर्व–पश्चिम विद्युतीय रेलमार्ग बनाउन हालसम्म ३३ अर्ब ४५ करोड रुपैयाँ खर्च भएको छ ।

महालेखा परीक्षकको कार्यालयले बुधबार सार्वजनिक गरेको ६२औं वार्षिक प्रतिवेदनले उक्त रकम खर्च भएको देखाएको हो ।

यो वर्षसम्म ६५ किलोमिटरमा ट्रयाकबेड तथा १६ पुल निर्माण सम्पन्न भएको तथा ५ सय ५३ बिघा जग्गाको मुआब्जा समेत गरी हालसम्म ३३ अर्ब ४५ करोड रुपैयाँ खर्च भएको छ ।

नेपालको पूर्व–पश्चिम विद्युतीय रेलमार्ग बनाउन ९ खर्बको लागत खर्ब अर्ब रुपैयाँ पुगिसकेको प्रतिवेदनमा उल्लेख छ ।

झापा काँकडभिट्टादेखि कञ्चनपुर गड्डाचौकीसम्म ९२४.९४ किलोमिटर र लिंकमार्गहरू समेत १ हजार ३ किलोमिटर विद्युतीय रेलमार्ग बनाउन सरकारले २०६५/६६ मा आयोजनाको सुरुवात गरेको थियो ।

यो आयोजनाको सुरु लागत अनुमान ९ खर्ब ५५ अर्ब २२ करोड रुपैयाँ रहेकोमा संशोधित लागत अनुमान १५ खर्ब रुपैयाँ पुगेको छ । आयोजना २०८६/८७ मा सम्पन्न गर्ने लक्ष्य छ ।