सर्वोच्चको इजलासमा रवीन्द्रको प्रश्न– अब उहाँहरूले मेरो छाती चिरेर मुटु हेर्नुहुन्छ ?

News Summary

Generated by OK AI. Editorially reviewed.

राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्रले राजनीतिक हुकुम प्रमांगीबाट अत्याचार भइरहेको बताएका छन्।
उनले आफ्नो व्यक्तिगत अधिकारहरू जस्तै बयान, मोबाइल फोन, बैंक खाता र फेसबुक डिटेलहरूमा भएको अनावश्यक हस्तक्षेपको विरोध गरेका छन्।
मिश्रले आफ्नो राजनीतिक उत्पीडनको अनुभव र न्यायको माग गर्दै सर्वोच्च अदालतमा आफ्नो अवस्थाको बारेमा बताएका छन्।

२ जेठ, काठमाडौं । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रले देशमा राजनीतिक हुकुम प्रमांगीबाट आफूमाथि अत्याचारपूर्ण व्यवहार भइरहेको बताएका छन् ।

सर्वोच्च अदालतमा बन्दी प्रत्यक्षीकरणसम्बन्धी निवेदनमाथिको बहस सकिएपछि न्यायाधीशसँग समय लिएर बोलेका मिश्रले आफूमाथि राजनीतिक हुकुम प्रमांगीबाट अन्याय भइरहेको अनुभूति भएको बताएका हुन् ।

‘बयान सकिएपछि आठौं चरणको म्याद थपसम्म आउँदा मलाई के अनुभूति भयो भने यो देशमा अघि सम्मानीय अधिवक्ताहरूले भन्नुभएजस्तो राजनीतिक हुकम प्रमांगीबाट यो सबै भइरहेको छ भन्ने मलाई अनुभूति भयो ।’

उनले इजलाससमक्ष आफ्नो बयान सकिएको, मोवाइल फोन सिज गरिएको, बैंक खाता रोक्क गरिएको र फेसबुकसँग पत्राचार गरेर डिटेल मगाइएको जानकारी गराउँदै आक्रोश पोखे, ‘हब उहाँहरूले हिरासतमा राखेर मेरो छाती चिरेर मेरो मुटु हेर्ने ? के हुर्नु हुन्छ उहाँहरुले ?’

देशमा राज्यको अधिकार हुने, म नागरिकको अधिकार नहुने भएपछि मैले अन्तिम घडीमा भए पनि म बन्द प्रत्यक्षीकरणमा जान्छु र उहाँहरूले अब त दशैं दिनमा त हो नि ननिरहे पनि मैले अब म एक घण्टा पनि गैरकानुनी ढंगबाट हिरासतमा बस्न चाहन्नँ भनेर आज सर्वोच्चको ढोका ढकढक्याउन आइपुगेको छु ।

‘मेरो बयान सकियो । मेरो मोबाइल फोन सिज गरिएको छ । मेरो बैंक खाता रोक्का गरिएको छ । फेसबुकसँग पत्राचार गरेर मेरो डिटेल मगाउनुभएको छ । अब म जान्छु कहाँ ?,’ उनले प्रश्न गरे, ‘अब उहाँहरूले मलाई हिरासतमा राखेर मेरो छाती चिरेर मेरो मुटु हेर्ने ? के हेर्नु हुन्छ उहाँहरूले ? म भागेर कहाँ जान्छु ?’