हरियो धनियाँमा भेटियो ९९ प्रतिशत विषादी

News Summary

Generated by OK AI. Editorially reviewed.

कालीमाटी बजारमा बिक्रीका लागि ल्याइएको हरियो धनियाँमा लगभग ९९.३७९ प्रतिशत विषादी भेटिएको छ।
केन्द्रीय कृषि प्रयोगशालाले १७ पसलको परीक्षण गर्दा विषादीको मात्रा धेरै भेटिएको जनाइएको छ।
सरकारले विषादीको प्रतिशत ३५ भन्दा कम हुँदा मात्र उपभोगयोग्य मान्ने मापदण्ड बनाएको छ।

६ जेठ, काठमाडौं । मुलुककै सबैभन्दा ठूलो तरकारी बजार काठमाडौंको कालीमाटी तरकारी बजारमा भित्रिएको हरियो धनियाँमा लगभग शतप्रतिशत मात्रामा विषादी भेटिएको छ ।

काभ्रेपलाञ्चोकबाट बिक्रीका लागि कालीमाटी बजारमा मंगलबार ल्याइएको हरियो धनियाँमा ९९.३७९ प्रतिशत ‘अर्गानोफस्फेट’ नामक विषादी भेटिएको कालीमाटी फलफूल तथा तरकारी बजार विकास समितिले जनाएको छ ।

केन्द्रीय कृषि प्रयोगशालाले मंगलबार कालीमाटी तरकारी बजारका १७ पसलको १७ थरी तरकारी तथा फलफूल परीक्षण गरेको थियो ।

परीक्षण क्रममा हरियो धनियाँमा उक्त मात्रामा विषादी भेटिएको हो । विषादीको मात्रा धेरै भेटिएको उक्त धनियाँ उपभोग अयोग्य रहेको जनाइएको छ ।

सरकारले रोकावट प्रतिशतको दर ३५ भन्दा कम हुँदा उपभोगयोग्य मानेको छ । ३५ देखि ४५ प्रतिशत पाइए केही दिन राखेर मात्रै उपभोग गर्न सकिने मापदण्ड बनाएको छ ।

यस्तै ४५ प्रतिशतभन्दा बढी भयो भने त्यस्ता तरकारी उपभोगका लागि अयोग्य मानिएको छ ।