यी हुन् यससाता नेटफ्ल्क्सिमा धेरै हेरिएका १० फिल्म, शीर्षमा ‘नोन्नास’

News Summary

Generated by OK AI. Editorially reviewed.

नेटफ्लिक्सको फिल्म ‘नोन्नास’ यो साता सर्वाधिक हेरिएको शीर्ष १० मा रहेको छ।
‘नोन्नास’ सन् २०२५ को मौलिक फिल्म हो र सत्य कथाबाट प्रेरित छ।
फिल्मले आफ्नी आमाको मृत्युपछि सम्मान गर्न र समुदायलाई सान्त्वना दिन रेस्टुरेन्ट खोल्ने युवकको कथा प्रस्तुत गर्दछ।

काठमाडौं । आमालाई गुमाएपछि उनको सम्मानमा इटालीको एक युवकले हजुरआमाहरूलाई सेफ बनाएर रेस्टुरेन्ट संचालनमा ल्याउने जोखिम सुरु गर्छ । यो कथावस्तुको फिल्म ‘नोन्नास’ नेटफ्ल्क्सिमा यो साता सर्वाधिक हेरिने कथानक फिल्म बनेको छ ।

नेटफ्ल्क्सिले सार्वजनिक गरेको धेरै हेरिने शीर्ष १० को सूचीमा रहेको यो फिल्मलाई २ करोड ९० लाख घण्टा (१ करोड ५३ लाख पटक) हेरिएको छ ।

‘नोन्नास’ सन् २०२५ को नेटफ्लिक्स मौलिक फिल्म हो जुन हृदयस्पर्शी छ । यो फिल्म जो स्कारावेला र उनको स्टेटन नामक टापुमा रहेको रेस्टुरेन्ट एनोटेका मारियाको सत्य कथाबाट प्रेरित छ ।

स्टीफन चबोस्की (द पक्र्स अफ बिइङ अ वालफ्लावर)द्वारा निर्देशित र लिज म्याकी द्वारा लिखित यस फिल्ममा भिन्स भनले जोको भूमिका निर्वाह गरेका छन् । उनले यस्तो चरित्र निर्वाह गरेका छन् जसले आफ्नी आमाको मृत्युपछि, उनको सम्झनालाई सम्मान गर्न र आफ्नो समुदायलाई सान्त्वना दिनको लागि पूर्ण रूपमा हजुरआमाहरू कर्मचारीहरू ‘नोन्नास’ राखेर रेस्टुरेन्ट खोल्छ ।

यससाता धेरै हेरिएका नेटफ्ल्क्सि फिल्मको उत्कृष्ट १० को सूची यस्तो छ :

१) नोन्नास

२) इनसाइड म्यान : मस्ट वान्टेड

३) अ डेड्ली अमेरिकन म्यारिज

४) ह्याभोख

५) ट्वाइलाइट

६) ह्वेर द क्राउडड्याड्स सिङ्

७) इट् टेक्स टु

८) होम

९) ब्रिटेन एन्ड द ब्लिज

१०) बिटलजुस बिटलजुस