म्याथमेटिक्स कास्य पदक विजेता मिश्रलाई मधेश सरकारको सम्मान

News Summary

Generated by OK AI. Editorially reviewed.

मधेश प्रदेशका मुख्यमन्त्री सतीशकुमार सिंहले आशिष मिश्रलाई सम्मान गरे, जसले तुर्कमेनिस्तानको म्याथमेटिक्स ओलम्पियाडमा कास्य पदक जिते।
नेपालका ६ विद्यार्थीले सहभागी भएको प्रतियोगितामा आशिष मिश्रले पदक प्राप्त गरे, जसलाई सरकारले प्रशंसापत्र प्रदान गर्यो।
अगामी ६६औं अन्तर्राष्ट्रिय म्याथमेटिक्स ओलम्पियाड अस्ट्रेलियामा आयोजना हुने र नेपालबाट ६ जना विद्यार्थी सहभागी हुनेछन्।

५ जेठ, जनकपुरधाम। तुर्कमेनिस्तानमा आयोजित दोस्रो अन्तर्राष्ट्रिय म्याथमेटिक्स ओलम्पियाडका कास्य पदक विजेता जनकपुरधामका १९ वर्षीय आशिष मिश्रलाई सम्मान मधेश सरकारले सम्मान गरेको छ ।

मधेश प्रदेशका मुख्यमन्त्री सतीशकुमार सिंहले अन्तर्राष्ट्रिय म्याथमेटिक्स ओलम्पियाडका कास्य पदक प्राप्त गर्ने पहिलो नेपाली मधेश प्रदेशकै मिश्र भएकोमा सम्मान गरेका हुन् ।

सरकारले विशेष प्रशंसापत्र प्रदान गर्दै औपचारिक रूपमा सम्मान गरेको छ । मुख्यमन्त्री तथा मन्त्रिपरिषद्को कार्यालयमा मुख्यमन्त्री सिंले प्रशंसापत्र प्रदान गर्दै मधेशको भूमिमा हिराहरु रहेको र पहिचानको आवश्यकता रहेको बताए ।

गत अप्रिल २१ देखि २६ तारिखसम्म तुर्कमेनिस्तानको शिक्षा मन्त्रालयको आयोजनामा प्रतियोगितामा ३० भन्दा बढी राष्ट्रका प्रतिस्पर्धी सहभागी भएको उक्त प्रतियोगितामा नेपालको तर्फबाट ६ जना विद्यार्थी सहभागी भएका थिए । जसमा मिश्रसहित दार्चुलाका आयुष ढुंगाना, गुल्मीका आयुष मरासिनी, धनुषाका आशिष मिश्र, भक्तपुरका सुहित ढुंगाना, काठमाडौंका प्रकाश आचार्य र शुभम श्रेष्ठले भाग लिएका थिए ।

करिब ३ सयभन्दा बढी विद्यार्थीहरूबीच व्यक्तिगत तथा समूहगत प्रतिस्पर्धामा नेपालका तर्फबाट मिश्र पदक विजेता बनेका थिए ।

अगामी ९ जुलाई देखि २१, सम्म अस्ट्रेलियामा आयोजना हुन लागेको ६६औं अन्तर्राष्ट्रिय म्याथमेटिक्स ओलम्पियाडमा ६ जना सहभागी हुने म्याथमटिक्स एसोशिएशन अफ नेपालले जनाएको छ ।

‘मधेशको भूमिमा हिरा छ । तर पहिचानको आवश्यकता छ’ मुख्यमन्त्री सिंहले भने ‘ आशिषजस्ता विद्यार्थीहरू प्रदेशकै मात्र नभई सम्पूर्ण राष्ट्रका लागि प्रेरणा हुन् । हामी यस्ता होनहार प्रतिभाहरूको पहिचान, संरक्षण र प्रवर्द्धनका लागि प्रतिबद्ध छौं ।’