पाँचपोखरीमा मृत भेटियो मकुना

News Summary

Generated by OK AI. Editorially reviewed.

झापाको बुद्धशान्ति गाउँपालिका–५ पाँचपोखरी सामुदायिक वनमा जंगली हात्ती मृत फेला पर्‍यो।
मृत हात्ती करिब ५० वर्षको भाले मकुना हो र दुई महिनाअघि घाइते भेटिएको थियो।
पोस्टमार्टमपछि हात्तीलाई खाल्डो खनेर गाडिएको छ।

७ जेठ, विराटनगर । झापाको बुद्धशान्ति गाउँपालिका–५ पाँचपोखरी सामुदायिक वनमा जंगली हात्ती मृत फेला परेको छ ।

बुधबार दिउँसो भाले मकुना हात्ती मृत फेला परेको डिभिजन वन कार्यालय झापाले जनाएको छ । मृत मकुना (दाह्रा नभएको भाले हात्ती) अन्दाजी ५० वर्षको भएको अनुमान छ ।

यो मकुना करिब २ महिनाअघि घाइते अवस्थामा भेटिएको थियो । पछाडिको खुट्टा र पुच्छरमा संक्रमण देखिएपछि वन कार्यालयको टोलीले उपचारको प्रयास पनि गरेको थियो ।

राम्रोसँग हिँडडुल गर्न नसक्ने भएका कारण हात्ती धेरै टाढा गएको थिएन् । बुधबार मृत भेटिएको डिभिजन वन कार्यालय झापा कार्यालयका प्रमुख भरतबाबु श्रेष्ठले जानकारी दिए । पोस्टमार्टमपछि हात्तीलाई खाल्डो खनेर गाडिएको छ ।