साक्षर घोषणा भयो हुम्ला

News Summary

Generated by OK AI. Editorially reviewed.

हुम्लालाई ९७.४ प्रतिशत साक्षरता दर पूरा भएपछि साक्षर जिल्ला घोषणा गरियो।
हुम्लामा १५–६० वर्ष उमेर समूहका ३५,०५४ जनामध्ये ३३,०९५ जना साक्षर छन्।
कर्णाली प्रदेशका कालिकोट र डोल्पालाई मात्र साक्षर घोषणा गर्न बाँकी छ।

९ जेठ, हुम्ला । हुम्लालाई साक्षर जिल्ला घोषणा गरिएको छ । ‘साक्षरता हाम्रो गौरव, साक्षर जिल्ला हाम्रो उपब्धि’ नाराका साथ आज हुम्लालाई साक्षर जिल्ला घोषणा गरिएको हो ।

हुम्लामा १५ देखि ६० वर्ष उमेर समूहका नागरिकहरूको साक्षरता दर ९७ दशमलव ४ प्रतिशत मापदण्ड पूरा भएपछि हुम्लालाई साक्षर जिल्ला घोषणा गरिएको शिक्षा विकास तथा समन्वय इकाइ हुम्लाका कार्यालय प्रमुख योगेश आलेमगरले जानकारी दिए ।

यससँगै हुम्ला नेपालको ६७ औं र कर्णाली प्रदेशको ८ औं साक्षर जिल्ला बनेको छ ।

१५–६० वर्ष उमेर समूहका ३५ हजार ३५४ जनामध्ये ३३ हजार ९५४ जना साक्षर भएको आलेमगरको भनाइ छ । हुम्लामा १४ सय नागरिक निरक्षर रहेका छन् ।

ताजाकोट गाउँपालिकामा ६६ जना, अदानचुलीमा १९२ जना, चंखेलीमा १९२ जना, सर्केगाडमा ३१४ जना, खार्पुनाथमा १९४ जना, सदरमुकाम सिमकोट ३७१ जना र नाम्खा गाउँपालिकामा १११ जना गरि १ हजार ४४० जना अझै निरक्षर रहेको शिक्षा विकास तथा समन्वय इकाइ हुम्लाको तथ्यांक छ ।

कर्णाली प्रदेशका कालिकोट र डोल्पा जिल्लालाई मात्र साक्षर घोषणा गर्न बाँकी छ ।