News Summary
Generated by OK AI. Editorially reviewed.- नेपाली कांग्रेसनिकट नेविसंघका नेता–कार्यकर्ताले त्रिभुवन विश्वविद्यालयको उपकुलपतिको कार्यकक्ष तोडफोड गरेका छन्।
- उनीहरूले शैक्षिक क्यालेन्डर विपरीत परीक्षाको समयमा विद्यार्थी भर्ना गर्न दबाब दिँदै तोडफोड गरेका हुन्।
- यसअघि विद्यार्थी नेताहरूले भर्ना खोल्न दबाब दिएका थिए।
१४ जेठ, काठमाडौं । त्रिभुवन विश्वविद्यलयका उपकुलपति प्राडा खड्क केसीको कार्यकक्षमा तोडफोड भएको छ ।
नेपाली कांग्रेसनिकट नेपाल विद्यार्थी संघका नेता–कार्यकर्ताले बुधबार केसीको कार्यकक्ष तोडफोड गरेका हुन् । उनीहरूले रेक्टर कार्यालयमा तालाबन्दी पनि गरेका छन् ।
सानोठिमी, भक्तपुर, पाटन र सरस्वती क्याम्पसमा नेविसंघबाट निर्वाचित भएका स्ववियु अध्यक्षहरूले तोडफोड र तालाबन्दी गरेका हुन् ।
उनीहरूले परीक्षाको बेला अनियमित विद्यार्थी भर्ना गर्न दबाब दिँदै तोडफोड र तालाबन्दी गरेको बताइएको छ । त्रिविको शैक्षिक क्यालेण्डर अनुसार स्नातक तहको प्रथम वर्षको परीक्षा असारभित्र गराउनुपर्ने छ ।
सोहीअनुसार त्रिविले परीक्षा फारम खुलाएको थियो । फाराम खुलेपछि विद्यार्थी भर्ना बन्द हुन्छ । तर, नेविसंघका नेता–कार्यकर्ता शैक्षिक क्यालेन्डरविपरीत विद्यार्थी भर्नाका लागि दबाब दिन तोडफोडमा उत्रिएका हुन् ।
यसअघि नेविसंघका विद्यार्थी नेताहरूले संयुक्त विज्ञप्ति जारी गर्दै भर्ना खोल्न दबाब दिएका थिए । स्ववियु निर्वाचनका बेला विद्यार्थी भर्ना रोकिएकाले अहिले भर्ना खोल्नु पर्ने उनीहरूको दावी छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg)
.jpg)
प्रतिक्रिया 4