कर्णालीमा यसरी मनाइयो १८औं गणतन्त्र दिवस (तस्वीरहरू)

News Summary

Generated by OK AI. Editorially reviewed.

कर्णाली प्रदेशले १५ जेठमा गणतन्त्र दिवस मनाएको छ।
समारोहमा मुख्यमन्त्री यामलाल कँडेल र अन्य वरिष्ठ नेताहरूले सहभागिता जनाएका थिए।
यस दिवसको अवसरमा तीनवटा कार्यक्रम आयोजना गरिएको थियो।

१५ जेठ, सुर्खेत । कर्णाली प्रदेशमा पनि १८औं गणतन्त्र दिवस मनाइएको छ । प्रदेश सरकारको आयोजनामा बिहीबार बिहान प्रदेश राजधानी वीरेन्द्रनगरको मुख्य बजारमा र्‍यालीसहित एक समारोहको आयोजना गर्दै गणतन्त्र दिवस मनाएको हो ।

समारोहमा मुख्यमन्त्री यामलाल कँडेल, सभामुख नन्दा गुरुङ, प्रदेशका सबै मन्त्रीहरू, सत्तारुढ दल कांग्रेसका नेता जीवनबहादुर शाही, प्रदेश सभाका सम्पूर्ण सदस्यहरु, उच्च पदस्थ कर्मचारी, व्यापारी, बुद्धिजीवी, सरोकारवालाहरूको सहभागिता रहेको थियो ।

नेपालमा १५ जेठ २०६५ सालमा निरंकुश राजतन्त्रको विधिवत् अन्त्य गर्दै संघीय लोकतान्त्रिक गणतन्त्रात्मक शासन व्यवस्था प्रारम्भको घोषणा भएको थियो । त्यही दिनको सम्झनामा हरेक वर्ष १५ जेठमा गणतन्त्र दिवस मनाउने गरिन्छ ।

कर्णाली प्रदेश सरकारको उक्त दिवसको अवरमा तीन विभिन्न कार्यक्रम गर्दै मनाउने यसअधि नै निर्णय गरेको थियो ।