लड्दै‌पड्दै तंग्रिदै गरेको बस्ती

कुन बाध्यताले गुड्छन् भत्किएकै बाटोमा जीवन चलाउने गाडीहरू, कुन मोहले उठ्छन् ढलेकै ठाउँमा भरोसाका पर्खालहरू । किनाराको बस्तीको आजको शृङ्खला बीपी राजमार्ग आसपासका बस्तीहरूबाट ।

(किनाराका बस्ती अनलाइनखबरको भिडियो शृङ्खला हो । यो शृङ्खलामा राज्यले सधैंभरि किनारामा पारेका बस्तीका कुराहरू हामी उधिन्छौं, दुःख सुख-अप्ठ्यारा, सप्ठ्याराका कुरा गर्छौं । दलहरूले चुनावमा भोट बढाउनुपर्दा, दलहरूकै आन्दोलनका बेला सडकमा नाराबाजी गर्नुपर्दा अहिले पनि अग्रपंक्तिमा देखिने नागरिकले आफू अप्ठ्यारोमा परेका बेला कहिल्यै राज्यको साथ पाउँन्नन् । संविधानले नै प्रत्याभूत गरेको गाँस, बास, शिक्षा र स्वास्थ्यको सुविधाबाट समेत किनारामा पारिएका नागरिकका समस्यालाई कम्तीमा आफ्नो आँखाबाट ओझेल पर्न नदिने हाम्रो प्रयास हो । यही प्रयास अन्तर्गत छैठौं शृङ्खलामा हामी बीपी राजमार्ग अन्तर्गत सिन्धुलीको मुलकोटदेखि काभ्रेको नमोबुद्धसम्म पुगेका छौं ।)