News Summary
Generated by OK AI. Editorially reviewed.- बाराको कलैया उपमहानगरपालिका-१ मा टिपरले ६ वर्षीया बालिकालाई ठक्कर दिँदा मृत्यु भएको हो।
- प्रहरीले टिपर चालकलाई नियन्त्रणमा लिएर घटनाको अनुसन्धान गरिरहेको छ।
- बालिकालाई उपचारका लागि अस्पताल ल्याइँदा चिकित्सकले मृत घोषणा गरेका थिए।
१८ जेठ, काठमाडौं । बारामा टिपरको ठक्करबाट एक जना बालिकाको मृत्यु भएको छ ।
बाराको कलैया उपमहानगरपालिका-१ बालमन्दिर नजिकै ना १ क ८०५६ नम्बरको टिप्परले सोही वडाको मोतीबाघमा डेरा गरी बस्दै आएका हरेराम साहकी ६ वर्षीया छोरी सिवानीलाई ठक्कर दिएको थियो ।
प्रहरीका अनुसार भारतको मोतिहारी आठ मुहान घर भएका हरेरामकी छोरी सिवानीलाई बाटो काट्ने बेलामा उक्त टिपरले आइतबा दिउँसो ठक्कर दिएको थियो ।
टिपरको ठक्करबाट घाइते भएकी बालिकालाई उपचारका लागि बाराको आशिर्वाद अस्पताल कलैया लगिएको थियो ।
त्यहाँबाट थप उपचारका लागि बालिकालाई बाराको परवानीपुरस्थित एलएस न्युरो अस्पताल पुर्याइए पनि चिकित्सकले मृत घोषणा गरेको बारा प्रहरीले जनाएको छ ।
टिप्पर चालक बारा कलैया उपमहानगर-१८ का ३७ वर्षीय सत्यनारायण साहलाई प्रहरीले नियन्त्रणमा लिएर घटनाबारे अनुसन्धान भइरहेको जनाइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg)
.jpg)
प्रतिक्रिया 4