सरकार लुते भएर हामीलाई छाड्नुपर्‍यो : राप्रपा सांसद सिंह

फाइल तस्वीर

News Summary

Generated by OK AI. Editorially reviewed.

सांसद दिपक सिंहले सरकार लुतेर आफूहरूलाई छोडेको प्रतिक्रिया दिए।
उनले आफू बिना शर्त रिहा भएको र भोलि बोलाएको खण्डमा किन हाजिर हुने प्रश्न गरे।

१७ जेठ, काठमाडौं । राष्ट्रिय प्रजातन्त्र पार्टी (राप्रपा) का सांसद दिपक सिंहले सरकार लुते भएर आफूहरूलाई छाडेको प्रतिक्रिया दिएका छन् ।

जिल्ला प्रहरी परिसर, काठमाडौंबाटै पक्राउ परेका सांसद सिंह साँझ त्यहाँबाट रिहा भइसकेका छन् ।

रिहा भएपछि पार्टी कार्यालय धुम्बाराहीमा सञ्चारकर्मीसँग प्रतिक्रिया दिने क्रममा उनले यस्तो बताएका हुन् ।

‘म सम्पूर्ण पार्टी अध्यक्ष राजेन्द्र लिङ्देनदेखि पार्टीका विभिन्न तहमा राप्रपा नेपालका साथिहरू, राष्ट्रवादी सबैको जुन जमर्को दिएर देशभर आगो लगाउने संकल्प गरिकन दुई घण्टाभित्र जुन तातेको छ । त्यही कारण सरकार लुते भइकन हामीलाई छाड्नुपर्‍यो,’ सिंहले भने ।

उनले आफू बिना शर्त रिहा भएको र भोलि बोलाएको खण्डमा किन हाजिर हुने ? भन्दै प्रश्न गरे ।

‘बिनाशर्त भोलि बोलाएको खण्डमा के गरेको छु ? देश बेचेको छु ? सरकारी जग्गा खाएको छु ? किन हाजिर हुने ?,’ उनले भनेका छन् ।