गाजामा राहत सामग्री वितरण स्थलमा भएको आक्रमणको जाँच गर्न संयुक्त राष्ट्र संघको अपिल

News Summary

Generated by OK AI. Editorially reviewed.

संयुक्त राष्ट्रसंघले गाजा क्षेत्रमा राहत सामग्री बाँडिरहेको ठाउँमा भएको आक्रमणको जाँच गर्न अपिल गरेको छ।
गत आइतबार गाजा क्षेत्रमा राहत वितरण भइरहेको ठाउँमा इजरायलको गोली चलेको थियो, जसमा १७९ जना घाइते र ३१ जना मृत्यु भएका छन्।
प्रत्यक्षदर्शीले भने, इजरायल र अमेरिकाबाट समर्थन प्राप्त गाजा ह्युमनेटेरियन फाउन्डेसनको राहत वितरण स्थलमा गोली चलेको थियो।

२० जेठ, काठमाडौं । संयुक्त राष्ट्र संघले गाजा क्षेत्रमा राहत सामग्री बाँडिरहेको ठाउँमा भएको आक्रमणबाट प्यालेस्टिनी मारिएको घटनाको जाँच गर्न अपिल गरेको छ ।

गत आइतबार गाजा क्षेत्रमा राहत वितरण भइरहेको ठाउँमा इजरायलको तर्फबाट गोली चलेको थियो । रेडक्रसका अनुसार आक्रमणमा १७९ जना परेको सूचना अस्पतालका विवरणहरुले दिएका छन् । तीमध्ये ३१ जनाको मृत्यु भएको हमासले सन्चालन गरेको सिभिल डिफेन्स एजेन्सीले जनाएको छ । केही मिडिया रिपोर्टहरुमा पनि कम्तिमा २१ जनाको मृत्यु भएको विवरणहरु छन् ।

संयुक्त राष्ट्रसंघका महासचिव एन्टोनियो गुटेरेसले यो घटनामा दुःख व्यक्त गर्दै घटनाको जाँच गर्न भनेको बीबीसीले जनाएको छ ।

प्रत्यक्षदर्शीका अनुसार इजरायल र अमेरिकाबाट समर्थन प्राप्त गाजा ह्युमनेटेरियन फाउन्डेसनको तर्फबाट राहत सामग्री वितरण भइरहेको. स्थानमा गोली चलेको थियो ।