विपद्पछिको पुनर्निर्माण गर्न भौतिक मन्त्रालय तयार छः मन्त्री दाहाल

भौतिक पूर्वाधार तथा यातायातमन्त्री देवेन्द्र दाहाल । फाइल तस्वीर

News Summary

Generated by OK AI. Editorially reviewed.

भौतिक पूर्वाधार तथा यातायातमन्त्री देवेन्द्र दाहालले नेपालमा मनसुन प्रवेशसँगै बाढी, पहिरोको पूर्वअध्ययन आवश्यक भएको बताए।
मन्त्री दाहालले विपद्पछिको पुनर्निर्माणमा भौतिक पूर्वाधार मन्त्रालय तयारी अवस्थामा रहेको उल्लेख गरे।
उनले स्थानीय सरकारसँगको समन्वयमा विकास कार्य र विपद्को समयमा संयन्त्र बनाउने प्रतिबद्धता व्यक्त गरे ।

२० जेठ, काठमाडौं । भौतिक पूर्वाधार तथा यातायातमन्त्री देवेन्द्र दाहालले सरकारले नेपालमा मनसुन भित्रिसकेको भन्दै त्यसबाट हुनसक्ने बाढी, पहिरोको समस्या हुने ठाउँहरूको पूर्वअध्ययनको काम गर्न सकारात्मक रहेको बताएका छन् ।

मंगलबार सिंहदरबारमा बसेको प्रतिनिधि सभा अन्तर्गतको पूर्वाधार विकास समितिको बैठकमा बोल्दै मन्त्री दाहालले विपद्पछिको पुनर्निर्माणको सन्दर्भमा तुलनात्मक रूपले नेपालका मन्त्रालयहरूमध्ये भौतिक पूर्वाधार मन्त्रालय तयारी अवस्थामा रहेको बताए ।

‘बाढी, पहिरोले दुःख दिने ठाउँहरूको पूर्वअध्ययन गर्नुपर्छ भन्ने कुरामा म सहमत छु,’ मन्त्री दाहालले भने, ‘विपद्पछिको पुनर्निर्माणको सन्दर्भमा तुलनात्मक रूपले नेपालका मन्त्रालयहरूमध्ये भौतिक पूर्वाधार मन्त्रालय तयारी अवस्थामा रहन्छ ।’

उनले स्थानीय सरकारसँगको समन्वयमा विकास निर्माणका कामहरू पनि गरिरहेको र विपद्को बेलामा संयन्त्र बनाएर काम गर्नेगरी अघि बढ्ने प्रतिबद्धता जनाए।

नेपाल निर्माणको चरणमा रहेकाले पनि केही समस्याहरू आइरहेको मन्त्री दाहालले बताए ।