विद्यार्थी जोखिममा परेको भन्दै सिफल क्षेत्रमा राजावादी प्रदर्शन रोक्न माग

News Summary

Generated by OK AI. Editorially reviewed.

काठमाडौं महानगरपालिका–७ सिफलको बाल व्यवसायी माध्यमिक विद्यालयले आन्दोलन स्थल परिवर्तनको माग गरेको छ।
विद्यालयले चौरमा भएको आन्दोलनले विद्यार्थीहरूमा प्रभाव परेको भन्दै शान्ति क्षेत्रको कारण स्थान परिवर्तन गर्न आग्रह गरेको हो।

२१ जेठ, काठमाडौं । काठमाडौं महानगरपालिका–७ सिफलमा रहेको बाल व्यवसायी माध्यमिक विद्यालयले सिफल चौरमा भएको राजावादीको आन्दोलनका कारण पठनपाठन प्रभावित भएको भन्दै आन्दोलन स्थल परिवर्तन गर्न आग्रह गरेको छ ।

‘चौरसँगै विद्यालय छ । विभिन्न खालका समावेशी विद्यार्थीहरू अध्ययन गर्छन् । अपङ्‍गता भएका, बौद्धिक अपाङ्ता, दृष्टिविहीन बालबालिकाले पढ्छन् । चौरमा नारा, जुलस, चर्को आवाजको साउन्डले प्रभावित भएको छ,’ प्रधानाध्यापक रामप्रसाद ढुंगानाले भने ।

विद्यालय शान्ति क्षेत्र भएकाले आन्दोलन स्थल परिवर्तन गर्न विद्यालयले माग गरेको छ ।

‘झडप भयो भने विद्यार्थीको स्थिति के हुन्छ ? संवेधनशील ठाउँमा आन्दोलनको स्थान नदिन जिल्ला प्रशासनलाई पत्र लेखेका छौँ,’ उनले भने ।

यद्यपि, उक्त चौरमा आज भने आन्दोलनको कार्यक्रम नरहेको र कक्षा सञ्चालन भइरहेको प्रधानाध्यापक ढुंगानाले बताए ।