२०८२ जेठ २६ गते १२:०१ 
News Summary
Generated by OK AI. Editorially reviewed.- सन्तोषी श्रेष्ठले १२ औं इन्टरनेसनल एथलेट फोरममा भाग लिन स्विट्जरल्यान्डको लुजान जाने भएकी छन्।
- नेपाल ओलम्पिक कमिटीले उनलाई बिदाइ गर्दै शुभकामना व्यक्त गरेको छ।
- सन्तोषीले गत वर्ष पेरिस ओलम्पिकमा म्याराथन दौडिएकी थिइन् र शनिबार काठमाडौंमा २५ के रेस जितिन्।
२६ जेठ, काठमाडौं । नेपाली ओलम्पियन धाविका सन्तोषी श्रेष्ठले १२ औं इन्टरनेसनल एथलेट फोरममा भाग लिने भएकी छन् । इन्टरनेसनल एथलेट फोरम आउने बुधबार र बिहीबार स्विट्जरल्यान्डको लुजान सहरमा आयोजना हुँदै छ ।
नेपाल ओलम्पिक कमिटी (एनओसी) का अध्यक्ष जीवनराम श्रेष्ठले ओलम्पियन म्याराथन धाविका सन्तोषीलाई आइतबार बिदाइ गरे ।
एनओसीका उपाध्यक्ष अशोक वज्राचार्य, एनओसीका सचिव रामकृष्ण श्रेष्ठ र एनओसीका कार्यकारी सचिव सुजनलाल श्रेष्ठलगायतले पनि धाविका श्रेष्ठलाई शुभकामना दिए ।
सन्तोषीले गत वर्ष फ्रान्समा भएको पेरिस ओलम्पिकमा म्याराथनमा दाैडिएकी थिइन् ।
सन्तोषीले शनिबार हेरिटेज काठमाडौं २५के रेस जितेकी थिइन् ।
प्रतिक्रिया 4