अखिल (क्रान्तिकारी)ले तीन महिने अभियान चलाउने

News Summary

Generated by OK AI. Editorially reviewed.

अखिल (क्रान्तिकारी)ले जेष्ठ २५ देखि भाद्र २५ सम्म तीन महिने विद्यार्थी अभियान सञ्चालन गर्ने योजना बनाएको छ।
उपाध्यक्ष मदन ढकालले अभियानको लक्ष्य आधारभूत तहभन्दा माथिका शिक्षण संस्थामा संगठन निर्माण र पाँच लाख सदस्यता वितरण रहेको बताए।
अभियानले नयाँ सदस्यता, नवीकरण र विश्वविद्यालयमा राजनीतिक हस्तक्षेप विरुद्ध संघर्ष कार्यक्रम सञ्चालन गर्नेछ।

२६ जेठ, काठमाडौं । नेकपा माओवादी केन्द्र निकट अखिल (क्रान्तिकारी)ले ‘विद्यार्थीसँग अखिल (क्रान्तिकारी)’ अभियान संचालन गर्ने भएको छ । तीन महिने अभियान जेष्ठ २५ देखि भाद्र २५ सम्म संचालन हुने संगठनका उपाध्यक्ष एवं प्रचार विभाग प्रमुख मदन ढकालले जानकारी गराए ।

आधारभूत तह भन्दा माथिका सबै शिक्षण संस्थाहरुमा संगठन निर्माण गर्ने अभियानको लक्ष्य राखिएको छ । एक इकाई एक प्रशिक्षण, प्रत्येक संगठन सशक्त जन परिचालन, एक संगठन एक संघर्ष, प्रत्येक सदस्य संगठित सदस्य, हाम्रो विश्वविद्यालय राम्रो विश्वविद्यालय लगायतका अभियानको उद्देश्य भएको ढकालले जानकारी गराए ।

अभियान अवधिभरी नयाँ सदस्यता र नवीकरण सहित पाँच लाख सदस्यता वितरण गर्ने अखिल (क्रान्तिकारी) ले जनाएको छ । विश्वविद्यालयमा बढ्दै गइरहेको राजनीतिक हस्तक्षेप बन्द गर्न संघर्षको कार्यक्रम संचालन गरिने ढकालले बताए ।