कर्णाली प्रदेश प्रज्ञा–प्रतिष्ठान विधेयक प्रदेश सभामा टेबुल

News Summary

Generated by OK AI. Editorially reviewed.

स्रोत अनुसार, कर्णाली प्रदेशसभाले प्रज्ञा–प्रतिष्ठान स्थापना गर्न विधेयक टेबुल गर्‍यो।
मन्त्री घनश्याम भण्डारीले उक्त विधेयकको उद्देश्य भाषा, कला, साहित्य, लोकसंस्कृति संरक्षण र विकास हो बताए।
भूमि व्यवस्था मन्त्री विनोदकुमार शाहले विषादी व्यवस्थापन सम्बन्धी विधेयकमाथि विचार गर्न प्रस्ताव गरे।

२७ जेठ, सुर्खेत । कर्णाली प्रदेश प्रज्ञा–प्रतिष्ठान स्थापना तथा सञ्चालन गर्ने सम्बन्धमा व्यवस्था गर्न बनेको विधेयक प्रदेशसभामा टेबुल भएको छ । प्रदेश सभाको सोमबार बसेको बैठकमा सामाजिक विकास मन्त्री घनश्याम भण्डारीले उक्त विधेयक टेबुल गरेका हुन् ।

उनले कर्णाली प्रदेशसभा नियमावली २०८१ को नियम ११२ को उपनियम ३ बमोजिम सभासमक्ष उक्त विधेयक टेबुल गरेका छन् । उक्त विधेयक कर्णाली प्रदेशभित्रको भाषा, लिपि, कला, साहित्य, लोकसंस्कृति, लोकगाथा, लोकवार्ता र सङ्गीतको अध्ययन, अनुसन्धान संरक्षण, प्रवद्र्धन तथा विकास गर्ने उद्देश्यले ल्याएको मन्त्री भण्डारीले बताए ।

त्यस्तै प्रदेश सभामा प्रदेश सरकारका भूमि व्यवस्था, कृषि तथा सहकारी मन्त्री विनोदकुमार शाहले ‘कर्णाली प्रदेश जीवनाशक विषादी व्यवस्थापन सम्बन्धमा व्यवस्था गर्न बनेको विधेयकमाथि विचार गरियोस्’ भनी सभासमक्ष प्रस्ताव गरेका थिए ।

उक्त विधेयकमाथिको सामान्य छलफलमा प्रदेशसभा सदस्य भीमप्रकाश शर्मा, कल्याणी खड्का र कलबहादुर हमालले भाग लिएका थिए ।