जिल्ला प्रशासन कार्यालय काभ्रेमा डिजिटल टोकन प्रणाली सुरु

News Summary

Generated by OK AI. Editorially reviewed.

जिल्ला प्रशासन कार्यालय काभ्रेले मंगलबारदेखि डिजिटल टोकन प्रणाली सुरु गरेको छ।
प्रमुख जिल्ला अधिकारी उमेशकुमार ढकालले सेवा शुभारम्भ गर्दै सेवा प्रवाहमा विभेद् अन्त्य हुने बताए।
सेवाग्राहीहरूले डिजिटल टोकनमार्फत राष्ट्रिय परिचयपत्र, नागरिकता, राहदानी सेवा प्राप्त गर्न सक्नेछन्।

२७ जेठ, काभ्रेपलाञ्चोक । जिल्ला प्रशासन कार्यालय काभ्रेमा डिजिटल टोकन प्रणाली सुरु भएको छ ।

प्रमुख जिल्ला अधिकारी उमेशकुमार ढकालले सेवाग्राहीलाई डिजिटल टोकन हस्तान्तरण गर्दै मंगलबार सेवा शुभारम्भ गरेका हुन् ।

गृह मन्त्रालयको बजेट व्यवस्थापनमा टोकन मेसिन खरिद गरेर सरल सेवा प्रवाहका लागि टोकन प्रणाली सुरु गरिएको प्रजिअ ढकालले बताए ।

सेवा शुभारम्भ सँगै भनसुन र चिनजानका आधारमा सेवा प्रवाहमा हुने विभेद् अन्त्य हुने उनले बताए ।

सेवा लिन जो अगाडि आउँछ उसले नै पहिले सेवा पाउने, पालैपालो सेवा लिन र भीडभाडरहित सेवा व्यवस्थापनमा यो प्रणाली महत्त्वपूर्ण हुने उनको भनाइ छ ।

राष्ट्रिय परिचयपत्र, नागरिकता, नागरिकता प्रतिलिपि र राहदानी सेवाको टोकन डिजिटल रूपमा प्राप्त गर्न सकिन्छ । सम्बन्धित शाखामा टोकन अनुसारको पालोमा सेवा उपलब्ध हुनेछ ।

सेवाग्रहीले समेत जिल्ला प्रशासन कार्यालयले सुरु गरेको प्रविधिमैत्री सेवा प्रभावकारी रहेको बताएका छन् ।