पोखरामा दुई वटा प्याराग्लाइडिङ दुर्घटना, चार जनाको सकुशल उद्धार

News Summary

Generated by OK AI. Editorially reviewed.

कास्कीको पोखरामा प्याराग्लाइडिङ ल्यान्डिङ गर्ने क्रममा दुर्घटना हुँदा फेवातालमा फसेका चार जनाको सशस्त्र प्रहरीले सकुशल उद्धार गरेको छ ।
उद्धार गरिएका व्यक्तिहरूमा भारतको बनारस घर बताउने दुई व्यक्ति र दुई पाइलट रहेका छन्।

२८ जेठ, काठमाडौं । कास्कीको पोखरामा ल्यान्डिङ गर्ने क्रममा दुई वटा प्याराग्लाइडिङ दुर्घटनामा परेका छन् । प्याराग्लाइडिङ दुर्घटना हुँदा फेवातालमा खसेका चार जनाको सशस्त्र प्रहरीले सकुशल उद्धार गरेको छ ।

पोखरा महानगरपालिका–१८ तोरेपानीबाट उडेको २ वटा प्याराग्लाइडिङ ल्यान्डिङ गर्ने क्रममा अनियन्त्रित भई फेवा तालको बीच भागमा खसेको थियो ।

सो दुर्घटना लगत्तै सशस्त्र प्रहरी बल नेपाल नम्बर २४ कालीका गण कास्कीबाट फेवा रेस्क्यु टावरमा खटिएको सुरक्षा फौजले उनीहरूलाई सकुशल उद्धार गरेको हो ।

उद्धार गरिएकाहरूमा भारतको बनारस घर बताउने ४१ वर्षीय अकलेश यादव र ३५ वर्षीय चन्दनकुमार पटेल र अग्नि प्याराग्लाइडिङका पाइलट ३० वर्षीय मिलन शाह र ह्याप्पी फ्लाई प्याराग्लाईडिङका पाइलट २८ वर्षीय विश्वास अधिकारी रहेको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए ।