एयर इन्डिया विमान दुर्घटना : जमिनका १५ मानिस परेको आशंका

News Summary

Generated by OK AI. Editorially reviewed.

एयर इन्डियाको ‘एआई १७१’ जहाज मेघानी नगर इलाकामा दुर्घटनाग्रस्त भयो।
उक्त जहाज अहमदावादबाट लन्डन जाँदै गर्दा दुर्घटनामा परेको हो, जसमा १५ जना डाक्टर घाइते भएका छन्।
सङ्ख्याका अनुसार, १६९ जना भारतीय नागरिकसहित अन्य विदेशी नागरिकहरू सवार थिए।

२९ जेठ, काठमाडौं । एयर इन्डियाको ‘एआई १७१’ जहाज दुर्घटनास्थल बस्तीमा भएको थियो । जसले गर्दा जमिनमा समेत मानवीय क्षति पुगेको देखिएको छ ।

सरदार पटेल इन्टरनेसनल विमानस्थलबाट उडेको केही क्षणमै जहाज मेघाणी नगर इलाकामा दुर्घटनामा परेको थियो । जहाज डाक्टरहरूको एक होस्टलमा खसेको थियो ।

उक्त जहाज अहमदावादबाट बेलायतको लन्डनस्थित ग्याटविक विमानस्थलका लागि उडेको थियो । जहाजमा सवार मानिस बाहेक १५ जना डाक्टर घाइते अवस्थामा अस्पताल भर्ना गरिएको भारतीय सञ्चारमाध्यमले जनाएका छन् ।

२०/२५ जना भने दुर्घटना स्थलमा परेको एबीपी न्युजले स्थानीय पार्षदलाई उद्धृत गर्दै लेखेको छ । जहाजमा १ सय ६९ जना भारतीय नागरिक थिए । ५३ बेलायती, ७ पोर्चुगाली र १ जना क्यानडाका नागरिक सवार रहेको पाइएको छ ।