रास्वपाले भन्यो- माओवादीसँग अहिलेलाई पारपाचुके भएको छ

News Summary

Generated by OK AI. Editorially reviewed.

रास्वपा ले नेकपा एमाले र माओवादी केन्द्रबीच भएको सहमति अस्वीकार गर्यो।
उनले भने, ‘समस्याको समाधान गर्ने ठोस प्रस्ताव नभएकोले हामी सहमत हुन सकेनौं।’
अहिलेसम्मको सहमति समस्याको समाधान गर्न असमर्थ रहेको रास्वपा ले जनाएको छ।

३० जेठ, काठमाडौं । राष्ट्रिय स्वतन्त्र पार्टी (रास्वपा)ले सत्तारुढ दल नेकपा एमाले र प्रमुख प्रतिपक्ष दल माओवादी केन्द्रबीच भएको सहमति अस्वीकार गरेको छ ।

रास्वपा कार्यवाहक प्रवक्ता मनिष झाले शुक्रबार दुई दल वीच भएको सहमतिले समस्याको समाधान नगर्ने प्रतिक्रिया दिए ।

‘माओवादीले सहमतिका लागि हामीलाई पनि आग्रह गरेको थियो । तर, उहाँहरुले गरेको सहमतिमा समस्याको सामाधान गर्ने ठोस प्रस्ताव उल्लेख नभएकाले हामी सहमत हुन सकेनौं,’ झाले भने, ‘उहाँहरुले छानबिन समिति बनाउने भन्नुभएको छ । त्यो समिति गृह मन्त्रालयकै कुनै सहसचिवको नेतृत्वमा बन्न सक्छ । त्यसले समस्याको कुनै समाधान गर्दैन ।’

समस्याको ठोस समाधान गर्ने गरी सहमति नभएको हुँदा रास्वपाले अस्विकार गरेको उनले बताए ।

झाले भने,‘हाम्रो आन्दोलन जारी रहन्छ । माओवादीसँग मायाप्रिति जारी रहने गरी अहिलेलाई पारपाचुके भएका छौं ।’