लिङ्देनको आरोप- लुटतन्त्रको रक्षाका लागि माओवादीले समझदारी गर्‍यो

News Summary

Generated by OK AI. Editorially reviewed.

राप्रपा अध्यक्ष राजेन्द्रप्रसाद लिङ्देनले सरकार र नेकपा (माओवादी केन्द्र) बीच लुटतन्त्रको रक्षाका लागि समझदारी भएको आरोप लगाए।
उनले प्रतिनिधि सभाको बैठकमा १८ दिनदेखि संसद्मा नाटक मञ्चिँदै आएको बताए।
लिङ्देनले प्रमुख प्रतिपक्ष नेताले वीरतापूर्वक आत्मसमर्पण गरेको आरोप लगाउँदै, यो समझदारी गणतन्त्रको रक्षाका लागि नभएको बताए।

३० जेठ, काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्रप्रसाद लिङ्देनले लुटतन्त्रको रक्षाका लागि सरकार र नेकपा (माओवादी केन्द्र) बीच समझदारी भएको आरोपा लगाएका छन् ।
शुक्रबार प्रतिनिधि सभाको बैठकमा बोल्दै १८ दिनदेखि संसद्मा नाटक मञ्च्न भइरहेको लिङ्देनले बताए ।

प्रमुख प्रतिपक्ष दलका नेताले वीरतापूर्वक आत्मसमर्पण गरेको उनको आरोप थियो ।

‘१८ दिनदेखिको नाटक हामीले देखिरहेका छौँ । देशले देखिरहेको छ । अहिले प्रमुख प्रतिपक्ष दलका नेताले वीरतापूर्वक आत्मसमर्पण गर्नुभएको सुन्न पाइयो, वीरता र बहादुरीकासाथ पछाडि हटेको सुन्न पाइयो,’ उनले भने, ‘यो हुने नै यही थियो । उहाँले गणतन्त्रको रक्षाको लागि भन्नुभयो । गणतन्त्रको रक्षाको होइन, लुटतन्त्रको रक्षाका लागि यो समझदारी भएको भन्नेकुरा आम जनताले बुझेका छन् ।’