‘सानो संसार’ एमएसएम भिडियो ओटीटीमा

News Summary

Generated by OK AI. Editorially reviewed.

फिल्म ‘सानो संसार’ले दर्शकबाट राम्रो प्रतिक्रिया प्राप्त गर्‍यो र अब ‘एमएसएम भिडियो’ ओटीटी प्लेटफर्मबाट स्ट्रिमिङ सुरु भयो।
निर्देशक सिद्धार्थ पुडासैनी र कलाकार अञ्जसा रिजाल, अनु दाहाल लगायतले अभिनय गरेका यस फिल्मलाई निर्माता अर्जुन कुमारले धेरै दर्शकले हेर्न पाउने बताए।
यससँगै ‘११ः५५’, ‘परदेशी २’, ‘देवी’ लगायतका अन्य नेपाली फिल्महरू पनि ओटीटीमा उपलब्ध छन्।

काठमाडौं । अर्जुन कुमारले निर्माण गरेको फिल्म ‘सानो संसार’ले दर्शकबाट उत्कृष्ट प्रतिक्रिया प्राप्त गर्‍यो । फिल्मले बक्सअफिसमा अपेक्षित कमाइ नगरेपनि दर्शकको मन भने जित्यो ।

कथावस्तु र अभिनयलाई दर्शकले रुचाए । उचित शोको कारण कतिपयले हलमा फिल्म हेर्न नपाएको गुनासो पनि गरेका थिए । अब भने, यो फिल्मलाई तपाईंले घरमै बसेर हेर्न सक्ने सुविधा छ ।

नेपाली ओटीटी एप ‘एमएसएम भिडियो’ले मंगलबारदेखि यो फिल्मले स्ट्रिमिङ थालेको छ । मध्यमवर्गीय परिवारको मर्मस्पर्शी कथा पेश गर्ने यो फिल्मलाई सिद्धार्थ पुडासैनीले निर्देशन गरेका हुन् ।

अञ्जसा रिजाल, अनु दाहाल, राज पँगेनी शर्मा, सीतादेवी तिमल्सिना, जीवन गौतम, सरिता भण्डारी, शिशिर सिवाकोटीमा यसको शीर्ष भूमिका छ । निर्माता अर्जुन कुमारले ओटीटीमार्फत धेरै भन्दा धेरै दर्शकले फिल्म हेर्न पाउने बताए ।

यसबाहेक ‘११ः५५’, ‘परदेशी २’, ‘देवी’, ‘महाजात्रा’, खुश्मा, ह्रस्वदीर्घ, अगस्त्य, बगान, चित्रा, बुलबुल पनि ओटीटीमा आइसकेका छन् ।