नेपालीले ११ महिनामै पड्काए २२ करोड २६ लाखको चुइगम

News Summary

Generated by OK AI. Editorially reviewed.

चालु आर्थिक वर्ष २०८१/८२ को ११ महिनामा २२ करोड २६ लाख ६८ हजार रुपैयाँको चुइगम आयात भएको छ।
भन्सार विभागले सार्वजनिक गरेको तथ्यांकअनुसार साउनदेखि जेठसम्म ४ लाख २३ हजार १९० किलो चुइगम आयात भएको हो।
अघिल्लो वर्षको ११ महिनामा ५६ करोड ४४ लाख १६ हजार रुपैयाँको १५ लाख ७२ हजार किलो चुइगम आयात भएको थियो।

६ असार, काठमाडौं । चालु आर्थिक वर्ष २०८१र८२ को ११ महिनामा विदेशबाट चुइगम आयातमा २२ करोड रुपैयाँ बढी रकम बाहिरिएको छ ।

भन्सार विभागले शुक्रबार सार्वजनिक गरेको तथ्यांक अनुसार चालु आव ११ महिना अवधिमा २२ करोड २६ लाख ६८ हजार रुपैयाँ बराबरको चुइगम आयात भएको हो ।

साउनदेखि जेठसम्मको यस अवधिमा ४ लाख २३ हजार १ सय ९० किलो चुइगम आयात भएको छ । यसबापत आयातकर्ताले सरकारलाई १८ करोड २४ लाख ३८ हजार रुपैयाँ राजस्व बुझाएका छन् ।

नेपालमा भारत, चीन, अमेरिका, हङकङ लगायत देशबाट चुइगम भित्रिने गरेको छ । भारतबाट सबैभन्दा धेरै १८ करोड ६४ लाख रुपैयाँको चुइगम भित्रिँदा अमेरिकाबाट २ करोड लाख २८ लाख रुपैयाँको चुइगम भित्रिएको छ ।

यस्तै गत आवको ११ महिनामा भने ५६ करोड ४४ लाख १६ हजार रुपैयाँको १५ लाख ७२ हजार किलो चुइगम आयात भएको थियो । उक्त परिमाणमा चुइगम आयात हुँदा सरकारले ४५ करोड ३८ लाख ९२ हजार रुपैयाँ राजस्व संकलन गरेको थियो ।