हत्या गरी फरार रहेका ‘जोगी’ पक्राउ

News Summary

Generated by OK AI. Editorially reviewed.

प्रहरीले ७ असारमा फरार ‘जोगी’ लोकबहादुर महतलाई पक्राउ गरेको छ।
हत्या घटनामा संलग्न रहेका अन्य दुई व्यक्तिहरूलाई अनुसन्धानका लागि म्याद थप गरिएको छ।
प्रहरीले महतलाई वृद्धाश्रमबाट लुकिछिपि बसिरहेको अवस्थामा पक्राउ गरी थप अनुसन्धान गरिरहेको छ।

७ असार, तनहुँ । तनहुँको देवघाट गाउँपालिका–५ बद्रिमुक्ती टोलमा भएका एक हत्या घटनामा संलग्न भई फरार रहेका ‘जोगी’ उपनामले चिनिने लोकबहादुर महतलाई प्रहरीले पक्राउ गरेको छ ।

गएको असार ५ गते ३२ वर्षीय प्रकाश पौडेललाई मादक पदार्थ सेवन गरी कुटपिटपछि हत्या गरिएको थियो । घटनामा संलग्न रहेका पाल्पा तानसेन नगरपालिका–८ का २८ वर्षीय बुद्ध सारु मगर र मकवानपुर हेटौंडा उपमहानगरपालिका–३ का ४२ वर्षीय राम लामा घटनापछि पक्राउ गरीएको जिल्ला प्रहरी कार्यालय तनहूँका सुचना अधिकारीआशिष विकले जानकारी दिए ।

उनीहरूलाई तनहुँ जिल्ला अदालतबाट ५ दिनको म्याद थप अनुमति लिई अनुसन्धान अघि बढाइएको छ ।

हत्या गरेर फरार रहेका महोत्तरी बर्दिवास नगरपालिका–१ का ४६ वर्षीय लोकबहादुर महत (जोगी) लाई प्रहरी टोलीले चितवनको भरतपुर महानगरपालिका–१ स्थित रोटरी क्लब चितवनले सञ्चालन गरेको वृद्धाश्रमबाट लुकिछिपि बसिरहेको अवस्थामा असार ७ गते पक्राउ गरेको हो ।

महतलाई थप अनुसन्धानका लागि इलाका प्रहरी कार्यालय आबुखैरेनी, तनहुँमार्फत प्रक्रिया अघि बढाइएको प्रहरीले जनाएको छ ।