News Summary
Generated by OK AI. Editorially reviewed.- नेपाली कांग्रेसका सांसद चन्द्र भण्डारीले प्रारम्भिक बालविकासलाई दुई वर्ष बनाउनु आवश्यक र व्यावहारिक भएको बताए।
- उनीले खर्च कटौती गरी ईसीडीलाई दुई वर्षको बनाउनु पर्ने सुझाव दिए र पारित गर्न आग्रह गरे।
- नेकपा एमालेकी सांसद सरिता भुषालले पनि ईसीडीलाई दुई वर्ष नै आवश्यक भएको समर्थन गरिन्।
१३ असार, काठमाडौं । नेपाली कांग्रेसका सांसद चन्द्र भण्डारीले प्रारम्भिक बालविकास (ईसीडी) लाई दुई वर्ष बनाउनु व्यावहारिक र आवश्यक रहेको बताएका छन् ।
प्रतिनिधिसभाको शिक्षा, स्वास्थ्य तथा सूचना प्रविधि समितिको शुक्रबारको बैठकमा विद्यालय शिक्षा विधेयकमाथि छलफल गर्ने क्रममा उनले यस्तो बताएका हुन् ।
ईसीडीलाई बाहिर राखेर अरू शिक्षा बनाउने कुरा वाइयात भएको उनको भनाइ छ ।
खर्च छैन भने अनाश्यक खर्च कटौती गरेर भए पनि ईसीडीलाई दुई वर्षको बनाउनु पर्ने उनको सुझाव छ ।
उनले भने, ‘महँगो गाडी खरिद कटौती गर्नुपर्छ । ईसीडी नबनाएसम्म समाज रुपान्तरण हुँदैन । मन्त्री पिच्छे कुरा फेरिँदैन । उपसमितिले जे निर्णय गरेको छ त्यो स्वागतयोग्य छ । यसलाई केही नगरी पारित गर्नुपर्छ । सदनमा पनि मान्ने वाला छैन ।’
नेकपा एमालेकी सांसद सरिता भुषालले पनि ईसीडीलाई दुई वर्ष नै बनाउनुपर्नेमा जोड दिइन् ।
उनले भनिन्, ‘दुई वर्ष नै चाहिन्छ । एक वर्षले हुँदैन । सबै बालबालिकालाई समान अवधि हुने गरी दुई वर्ष नै हुनुपर्छ ।ु
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4