१४ असार, काठमाडौं । नेकपा एमालेका वरिष्ठ उपाध्यक्ष ईश्वर पोखरेलले सल्लाह र समझदारीबाटै पूर्वराष्टपति विद्यादेवी भण्डारीबारे निर्णय हुने बताएका छन् ।
शनिबार स्व. नेता मदन भण्डारीको ७४ औं जन्मजयन्तीको अवसर पारेर आयोजित सभालाई सम्बोधन गर्ने क्रममा उनले यस्तो बताएका हुन् ।
उनले विद्या भण्डारी राजनीतिमा आउने कुरालाई उनको राजनीतिक धर्मको रुपमा रहेको जिकिर गरे ।
‘पूर्वराष्ट्रपति राजनीतिमा आउने वा नआउने तपाईंहरूलाई सगसग होला । राष्ट्रपति दललाई नै प्रतिनिधित्व गरेर जानुभयो,’ उनले भनिन्, ‘त्यहाँ गएपछि एउटा भूमिका पूरा गर्नुभयो, उहाँ पोलिटिकल मान्छे हो । यो कुरामा किन इफ बट भनेको ? पोलिटिक्समा रुचि हुन्छ । गरेरै आएको मान्छे हो । यो कुन अनौठो कुरा हो ?’
उनले जिम्मेवारी लिने कुरा भने सल्लाह र समझदारीले हुने बताए ।
‘जहाँसम्म जिम्मेवारी लिने कुरा छ, सल्लाहले समझदारीले, जे सल्लाह र समझदारी हुन्छ त्यही हुन्छ । किन यो अनेक खालका कुरा ट्याट्याक गरेको,’ पोखरेलले भने, ‘पूर्वराष्ट्रपति पनि राजनीतिक मान्छे हो । यसमा रुचि राख्नु उहाँको धर्म हो । न्यारो ढंगले सोच्न हुँदैन ।’
राजतन्त्रको विरोध गरेर गणतन्त्रको पक्षमा आएको के काम ? भन्न थालियो भने हाँस्यास्पद हुने उनले बताए । ‘के गर्ने भन्ने सल्लाह हुन्छ, टुंगिन्छ । त्यसमा तातेको तावामा उफ्रिएजस्तो किन गरेको ?,’ उनले भने ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4