‘शार्क ट्यांक नेपाल’को पहिलो एपिसोड सुपरहिट, युट्युबमा १० लाखभन्दा धेरै भ्यूज

News Summary

Generated by OK AI. Editorially reviewed.

‘शार्क ट्यांक नेपाल’ले इन्टरनेट प्लाटफर्ममा उत्साहजनक डेब्यु गरेको छ, पहिलो एपिसोडलाई १० लाख ११ हजार पटक हेरिएको छ।
दोस्रो एपिसोडलाई ५ लाख ९० हजार पटक हेरिएको छ, र कार्यक्रमले ५ करोड ७२ लाख रुपैयाँ लगानी जुटाएको छ।
तीन र चौथो एपिसोड आगामी दिनहरूमा हिमालय टिभीमा प्रसारण हुनेछ।

काठमाडौं । बिजनेस रियालिटी शो ‘शार्क ट्यांक नेपाल’ले इन्टरनेट प्लाटफर्ममा उत्साहजनक डेब्यु गरेको छ । अघिल्लो साताका दुवै एपिसोडलाई युट्युबमा दर्शकले रुचाएको देखिएको छ ।

पहिलो एपिसोडलाई यो समाचार लेख्दासम्म १० लाख ११ हजार पटक हेरिएको छ, जुन आफैमा उत्साहजनक हो । नेपाली टिभी कार्यक्रमले स्ट्रिमिङको पहिलो सातामा निकै कम मात्र यस्तो भ्यूज पाउँछन् ।

१ मिलियन भ्यूज पाएपछि शार्क ट्यांक नेपाल र हिमालय टिभीले सामाजिक संजालमार्फत खुसी व्यक्त गर्दै दर्शकलाई साथको लागि धन्यवाद दिएका छन् । भ्यूज मात्र होइन, उक्त एपिसोडलाई २५ सयभन्दा धेरै कमेन्ट प्राप्त भएको छ । भ्यूज र कमेन्टको गणित हेर्दा दर्शकको इन्गेजमेन्ट लोभलाग्दो देखिन्छ ।

कार्यक्रमको दोस्रो एपिसोडलाई ५ लाख ९० हजार पटक हेरिएको छ । यो पनि उत्साहजनक अंक हो ।

युट्युबको मात्र होइन, टेलिभिजनमा समेत लाखौं दर्शकले हेर्दा ‘शार्क ट्यांक नेपाल’ डेब्युमै सुपरहिट बनेको बुझ्न सकिन्छ । अर्कोतर्फ, यी दुई एपिसोडबाट ५ करोड ७२ लाख लगानी जुटिसकेको छ ।

तेस्रो र चौंथो एपिसोड बुधबार र विहीबार बेलुका ९ बजेदेखि हिमालय टिभीमा प्रसारण हुनेछ ।