पूर्वाञ्चल विश्वविद्यालय सभा : एक अर्ब ७० करोडको बजेट स्वीकृत

News Summary

Generated by OK AI. Editorially reviewed.

पूर्वाञ्चल विश्वविद्यालयको ४१औं सभाले आगामी आर्थिक वर्षका लागि एक अर्ब ७० करोड १४ लाख ३० हजार रुपैयाँको बजेट स्वीकृत गरेको छ।
प्रधानमन्त्री एवं कुलपति केपी शर्मा ओलीको अध्यक्षतामा भएको बैठकमा रजिष्ट्रार प्राडा कल्याणी मिश्र त्रिपाठीले आर्थिक वर्ष २०८२/८३ का प्रस्तावित आय–व्यय विवरण प्रस्तुत गरी स्वीकृत गरियो।
उपकुलपति प्राडा बिजुकमार थपलियाले आगामी आर्थिक वर्षको नीति तथा कार्यक्रम प्रस्तुत गरी पारित गरियो र शिक्षण अस्पताल स्तरोन्नतिसहित एमबीबीएस कार्यक्रम सञ्चालनमा प्राथमिकता दिइयो।

३१ असार, काठमाडौं । पूर्वाञ्चल विश्वविद्यालयको ४१ औं सभाले आगामी आर्थिक वर्षका लागि एक अर्ब ७० करोड १४ लाख ३० हजार रुपैयाँको बजेट स्वीकृत गरेको छ ।

प्रधानमन्त्री निवास, बालुवाटारमा प्रधानमन्त्री एवं कुलपति केपी शर्मा ओलीका अध्यक्षतामा भएको बैठकमा रजिष्ट्रार प्राडा कल्याणी मिश्र त्रिपाठीद्वारा प्रस्तुत आर्थिक वर्ष २०८२/८३ का प्रस्तावित आय–व्यय विवरण समेत स्वीकृत भएको छ ।

यस्तै उपकुलपति प्राडा बिजुकमार थपलियाद्वारा प्रस्तुत आगामी आर्थिक वर्षको नीति तथा कार्यक्रम पनि पारित भएको छ ।

सो विश्वविद्यालयले शिक्षण अस्पतालको स्तरोन्नतिसहित एमबीबीएस कार्यक्रम सञ्चालनका लागि प्राथमिकता दिएको छ ।

प्रधानमन्त्री एवं कुलपति ओलीको तत्परतामा नयाँ आर्थिक वर्ष लाग्नुपूर्व नै सबै विश्वविद्यालयको सभा बैठक आयोजना भई बजेट स्वीकृतिको क्रम जारी छ ।