News Summary
Generated by OK AI. Editorially reviewed.- सिद्धार्थ श्रेष्ठले १८ वर्ष जापान बसोबास गरी २ लाख ५० हजार नेपाली सदस्यको साझा संस्था एनआरएनए जापानको अध्यक्ष पदमा उम्मेदवारी घोषणा गरेका छन्।
- उनले विद्यार्थीलाई सहजता, नेपाल जाने हवाई टिकट मूल्य घटाउने पहल र जापानी भाषा सिकाइमा नेपालीहरूको सहभागिता बढाउने प्राथमिकता राखेका छन्।
- श्रेष्ठले 'नेपाल हाउस' निर्माणप्रति चासो देखाउँदै भने, 'ठूला नाराले नेपाली समुदायका समस्या समाधान हुँदैनन्।'
टोकियो । जापानमा १८ वर्षदेखि बसोबास गर्दै आएका सिद्धार्थ श्रेष्ठले २ लाख ५० हजार नेपाली सदस्यको साझा संस्था एनआरएनए जापानको नेतृत्व गर्ने उद्देश्यले अध्यक्ष पदमा उम्मेदवारी घोषणा गरेका छन् ।
गत साता टोकियोमा उनले कुनै तामझामबिनै उम्मेदवारी सार्वजनिक गरे । सदस्य, प्रवक्ता, महासचिव तथा उपाध्यक्ष हुँदै अध्यक्ष पदमा पुग्ने क्रमिक यात्रामा रहेका श्रेष्ठका ठूला ब्यानर र आकर्षक नारा भने छैनन् ।
उनको प्राथमिकता विद्यार्थीलाई सहजता, नेपाल जाने हवाई टिकटको मूल्य घटाउने पहल तथा जापानी भाषा सिकाइमा नेपालीहरूको सहभागिता बढाई रोजगारी र जीवनयापनमा सहजता ल्याउने जस्ता व्यवहारिक मुद्दामा केन्द्रित छ ।
‘नेपाल हाउस’ निर्माणप्रति पनि उनको विशेष चासो देखिएको छ । घोषणापत्र सार्वजनिक गर्दै उनले भने, ‘ठूला नाराले नेपाली समुदायका समस्या समाधान हुँदैनन् । तत्कालीन आवश्यकता र यथार्थलाई बुझेर मैले यो घोषणापत्र तयार पारेको हुँ ।’
श्रेष्ठ जापानस्थित नेपाली समुदायमा सक्रिय छन् । आपतमा परेकाको सहयोगमा अग्रसर देखिँदै आएका उनले झण्डै ६ वर्षअघि एनआरएनए जापानमा भएको आर्थिक अनियमितता सार्वजनिक गर्दै आफूलाई पारदर्शिता र जवाफदेहिताको पक्षधरको रूपमा प्रस्तुत गर्ने प्रयास गरेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4