News Summary
Generated by OK AI. Editorially reviewed.- मधेश प्रदेश सरकारले वीरगञ्जलगायतका क्षेत्रमा खानेपानी संकट समाधानका लागि ८ वटा वारुणयन्त्र परिचालन गरेको छ।
- मुख्यमन्त्री सतिशकुमार सिंहले सरकार नागरिकको समस्या समाधानमा समर्पित रहेको उल्लेख गर्दै वारुणयन्त्रहरू २४ घण्टा सञ्चालनमा रहने बताए।
- वारुणयन्त्रहरूको सञ्चालन नेपाली सेनाले गर्नेछ र प्रदेश सरकारले व्यवस्थापन गर्नेछ भने थप ट्याङ्करहरू पनि पठाउने तयारी भइरहेको छ।
३२ असार, जनकपुरधाम । वीरगञ्जलगायतका विभिन्न क्षेत्रमा देखिएको खानेपानी संकट समाधानका लागि मधेश प्रदेश सरकारले वारुणयन्त्र परिचालन गरेको छ ।
बुधबार बिहान मुख्यमन्त्री सतिशकुमार सिंहले ८ वटा वारुणयन्त्र प्रभावित क्षेत्रमा पठाउँदै सरकार नागरिकको समस्या समाधानमा समर्पित रहेको बताएका छन् ।
प्रदेश विपद् व्यवस्थापन कार्यकारी समितिको निर्णयअनुसार प्रदेश सरकारसँग रहेका ८ वटा वारुणयन्त्रहरू अति प्रभावित क्षेत्रमा पठाइएको हो ।
प्रत्येक वारुणयन्त्रले ५ हजार लिटर क्षमताका दरले एकै पटकमा ४० हजार लिटर खानेपानी आपूर्ति गर्ने जनाएको छ ।
वारुणयन्त्रहरू २४ घण्टा सञ्चालनमा रहने र त्यसको व्यवस्थापन प्रदेश सरकारले गर्ने छन् भने सञ्चालन नेपाली सेनाले गर्नेछ ।
यसअघि प्रदेश सरकारले वन कार्यालयका तीन वटा ट्याङ्कर मार्फत पनि प्रभावित क्षेत्रमा पानी आपूर्ति गरिरहेका छन् ।
यस्तै, नेपाली सेनाबाट थप ७ वटा ट्याङ्कर एउटा वारुणयन्त्र समेत पठाउने तयारी भइरहेको जनाइएको छ।
‘सुक्खा र खानेपानी संकटका कारण पिडित नागरिकसँग प्रदेश सरकार साथमा छ । संघीय सरकार, स्थानीय सरकार र दातृ निकायहरूसँग समन्वय गरी साधनस्रोतको अधिकतम प्रयोग गरेर समस्या समाधान गर्ने प्रयासमा छौं,’ मुख्यमन्त्री सिंहले भने ।
खानेपानी संकटले प्रभावित नागरिकलाई राहत दिने उद्देश्यले प्रदेश सरकारले सबै संयन्त्र र स्रोत परिचालन गरेको जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4