भारतमा ‘सैयारा’को एडभान्स टिकट बिक्रीमा उछाल, मध्यरातमा पनि शो

मुम्बई । अहान पाण्डे र अनीत पड्डा अभिनित फिल्म ‘सैयारा’ रिलिज हुन अब एक दिन मात्र बाँकी छ । मोहित सुरी निर्देशित यो फिल्म शुक्रबारदेखि विश्वब्यापी प्रदर्शनमा आउनेछ ।

अग्रिम बुकिङ सुरु भइसकेको छ र फिल्मले पाएको प्रारम्भिक प्रतिक्रिया आशाजनक छ । ‘सितारे जमीन पर’ र हालै रिलिज भएको ‘मेट्रो इन दिनो’पछि ‘सैयारा’ले बलिउडमा मुस्कान ल्याउन सक्ने देखिन्छ ।

यो फिल्मले रिलिजअघि नै राम्रो प्रतिक्रिया पाइरहेको देखिन्छ । विशेष गरी, यो फिल्म युवाले युवा दर्शकको ध्यान तान्न सकेको छ । अग्रिम बुकिङको तथ्याङ्क हेर्दा पनि ’सैयारा’ले पहिलो दिन दोहोरो अंक अर्थात् १० करोड भारुभन्दा बढी कमाउन सक्ने देखिन्छ ।

यशराज फिल्म्सको ब्यानरमा बनेको यो फिल्मबाट अहानले डेब्यू गर्दैछन् । उनी अनन्या पाण्डेका काका हुन् र सामाजिक सञ्जालमा पहिले नै उनको राम्रो फ्यान फलोइङ छ ।

अनित पड्डाले काजोलसँग वेब सिरिज ’बिग गल्र्स डोन्ट क्राइ’ र फिल्म ’सलमा भेन्की’ मा काम गरिसकेकी छन् । ‘सैयारा’को प्रि-सेल्सले धेरै ठूला फिल्मलाई पछाडि छोडेको देखिन्छ ।

राम्रो कुरा के छ भने यसको टिकट मल्टिप्लेक्समा मात्र नभई सिंगल स्क्रिनमा पनि बिक्री भइरहेको छ । विशेष गरी दिल्ली-एनसीआर, मुम्बई, हैदराबाद जस्ता मास सर्किटहरूमा बिक्री राम्रो छ ।

एडभान्स बुकिङ कस्तो छ ?

यो फिल्म देशभरका करिब २७०० स्क्रिनमा रिलिज हुँदैछ । जबकि बिहीबार बिहान ७ बजेसम्म ४३०४ शोको लागि प्रि-सेल्स बुकिङ भइरहेको छ । स्याकनिल्कका अनुसार, पहिलो दिनको लागि अहिलेसम्म ‘सैयारा’को ९७५४१ टिकट बिक्री भइसकेको छ, जसबाट २.५९ करोड भारु आम्दानी भैसकेको छ ।

यदि हामीले ब्लक सिट समावेश गर्‍यौं भने यो संख्या ४.४१ करोड भारुको कुल आम्दानी हो । बिहीबारको पुरै दिन अग्रिम बुकिङको लागि बाँकी छ, त्यसैले आम्दानी अझ बढ्ने छ ।

बलिउड ब्यापार विश्लेषक तरण आदर्शका अनुसार हलहरूले मध्यरातको लागि पनि शो तालिका प्रकाशन गरेका छन् । ‘सैयाराको क्रेज र डिमान्ड अभूतपूर्व छ’ उनले लेखेका छन् ।

’सैयारा’को बजेट लगभग ४५ करोड भारु छ । यो कम बजेटले फिल्मलाई हिट हुन सजिलो बनाउनेछ । रिलिज हुनुभन्दा अगाडि नै फिल्मले यति राम्रो प्रतिक्रिया पाउनुको सबैभन्दा ठूलो कारण मोहित सुरी हुन् । उनी रोमान्टिक ड्रामा फिल्महरूमा दर्शकको नाडी राम्ररी बुझ्छन् ।

उनका फिल्म रोमान्स र गीतका लागि परिचित छन् । ’सैयारा’मा पनि त्यस्तै भइरहेको छ । यसको टाइटल गीत पहिले नै हिट भइसकेको छ । मोहित सुरी लगभग तीन वर्षपछि निर्देशनमा फर्कदैछन् ।

निर्देशकको रूपमा उनको पछिल्लो फिल्म ’एक भिलेन रिटन्र्स’ थियो । पछिल्ला केही वर्षमा, उनले प्रेमकथाका फिल्मबाट आफ्नो छुट्टै पहिचान बनाएका छन् । हामीले ’आवारापन’, ’आशिकी २’ र ’एक भिलेन’ जस्ता फिल्महरूमा यसको उदाहरण देखेका छौं ।