‘सन अफ सरदार २’ साउन १६ मा आउने, हेर्नूस नयाँ ट्रेलर

News Summary

Generated by OK AI. Editorially reviewed.

अजय देवगन स्टारर बलिउड फिल्म 'सन अफ सरदार २' साउन १६ गते (अगस्ट १) मा रिलिज हुने भएको छ।
फिल्मले नयाँ प्रदर्शन मिति घोषणा भएलगत्तै मंगलबार नयाँ ट्रेलर सार्वजनिक गरेको छ।
'सन अफ सरदार २' को प्रदर्शन मिति 'सैयारा'को आक्रामक कमाइपछि एक साताले सरेको हो।

मुम्बई । अजय देवगन स्टारर बलिउड फिल्म ‘सन अफ सरदार २’को नयाँ प्रदर्शन मिति घोषणा भएको छ । यो फिल्म साउन १६ गते (अगस्ट १)मा रिलिज हुने भएको छ ।

नयाँ प्रदर्शन मिति घोषणा भएलगत्तै यो फिल्मले मंगलबार नयाँ ट्रेलर सार्वजनिक गरेको छ । आउँदो शुक्रबारदेखि प्रदर्शन हुने पूर्वनिर्धारित योजना थियो ।

‘सैयारा’ले भारतीय बक्सअफिसमा आक्रामक कमाइ गरेपछि ‘सन अफ सरदार २’को मिति एक सातापछि पुगेको हो । विजय कुमार अरोरा निर्देशित ‘सन अफ सरदार २’ सन् २०१२ मा रिलिज भएको ब्लकबस्टर ‘सन अफ सरदार’को सिक्वेल हो ।

यसको कथा १२ वर्षिय आरभ नामक पात्रको हो जो वार्षिक आँप महोत्सवको लागि साहसिक यात्रामा निस्कन्छन् । यो फिल्ममा अजयसहित रवि किसन, संजय मिश्र, नीरु बाज्वा, मृणाल ठाकुरको अभिनय छ ।