‘मितज्यू’मा जोडिए सौगात मल्ल

News Summary

Generated by OK AI. Editorially reviewed.

अभिनेता सौगात मल्ल फिल्म 'मितज्यू'मा अनुबन्धित भएका छन् र निर्मातासँग विहीबार लिखित सम्झौता भएको छ।
निर्देशक अनिल बुढाको दोस्रो कथानक प्रोजेक्ट 'मितज्यू'मा दयाहाङ राई, तेरिया मगर, स्मिता लामिछाने लगायत अनुबन्धित भइसकेका छन्।
फिल्म 'मितज्यू' मंसिर दोस्रो सातादेखि पोखरा ढोरपाटन क्षेत्रमा छायांकन हुनेछ र २७ चैत २०८२ मा प्रदर्शन हुने अपेक्षा गरिएको छ।

काठमाडौं । अभिनेता सौगात मल्ल फिल्म ‘मितज्यू’मा अनुबन्धित भएका छन् । निर्मातासँग विहीबार उनको लिखित सम्झौता भएको छ ।

यसअघि ‘घरज्वाइँ’ र ‘आग्रे’ वृत्तचित्र निर्देशन गरेका अनिल बुढाको यो दोस्रो कथानक निर्देशकीय प्रोजेक्ट हुनेछ ।

यो फिल्ममा यसअघि दयाहाङ राई, तेरिया मगर, स्मिता लामिछाने लगायत अनुबन्धित भैसकेका छन् । अन्य कलाकार तय गर्ने क्रम जारी रहेको जनाइएको छ ।

‘गाउँ आएको बाटो’ फेम्ड महेश राईको पटकथा लेखन रहेको यो फिल्मलाई जनक घर्तीमगरले निर्माण गर्नेछन् । घर्तीले यसअघि ‘घरज्वाइँ’ फिल्मको निर्माण गरेका थिए ।

शिशिर विशंखेले छायांकन गर्नेछन् । जीएम मूभिज प्रोडक्सन प्रालिको ब्यानरमा फिल्म निर्माण हुन लागेको हो । मंसिर दोस्रो सातादेखि पोखरा ढोरपाटन क्षेत्रमा फिल्म छायांकन हुनेछ ।

यो फिल्म २७ चैत, २०८२ मा प्रदर्शन हुने अपेक्षा गरिएको छ ।