‘मितज्यू’ को ‘गैराघरे काँइली’ लाई लोभलाग्दो भ्यूज

News Summary

Generated by OK AI. Editorially reviewed.

जनक घर्तीले निर्माण गरेको फिल्म ‘मितज्यू’को ‘गैराघरे काँइली’ गीत युट्युबमा एक सातामै ११ लाखभन्दा बढी पटक हेरिएको छ।
निर्माता मगरले गीतलाई हेरेर सकारात्मक प्रतिक्रिया दिने दर्शकप्रति आभार व्यक्त गर्नुभएको छ।
फिल्म ‘मितज्यू’ जेठ ८ गतेबाट देशब्यापी प्रदर्शनमा आउँदैछ र यसमा सौगात मल्ल, तेरिया मगर र दयाहाङ राईको मुख्य भूमिका छ।

काठमाडौं । जनक घर्तीले निर्माण गरेको फिल्म ‘मितज्यू’को ‘गैराघरे काँइली’ गीत अहिले चर्चामा छ । युट्युबमा रिलिज भएको एक सातामै यसलाई ११ लाख पटक हेरिएको छ ।

गीतले लोभलाग्दो भ्यूज पाएपछि निर्माता उत्साहित छन् । निर्माता मगरले गीतलाई हेरेर सकारात्मक प्रतिक्रिया दिने दर्शकप्रति आभार व्यक्त गरेका छन् ।

यो समाचार तयार पार्दासम्म गीतलाई ११ लाखभन्दा धेरैपटक हेरिएको छ । १३ सयभन्दा धेरै प्रतिक्रिया प्राप्त छ । प्रतिक्रिया हेर्दा अधिकांश सकारात्मक देखिन्छन् ।

दर्शकले डेब्यू कलाकार तेरिया मगरको नृत्यको प्रशंसा गरेका छन् । अधिकांश सामाजिक सञ्जाल प्रयोगकर्ताले अभिनयको तारिफ गरेका छन् । उनीहरूले अभिनेता सौगात मल्लको अर्को रुप देख्न पाइयो भन्दै खुसी बाँडेका छन् ।

फिल्ममा सौगात र तेरियासहित दयाहाङ राईको शीर्ष भूमिका छ । सौगात र तेरियाले गाउँले पहिरनमा छमछमी नृत्य गरेका छन् । गीतलाई श्रीकृष्ण बम मल्ल र मेलिना राईले गाएका छन् ।

शब्द, संगीत पनि गायक मल्लकै छ । मिङ्मा लेप्चाको नृत्य निर्देशन यसमा छ । जीएम मुभिज प्रोडक्सनको ब्यानरमा निर्माण भएको यो फिल्मलाई अनिल बुढाले निर्देशन गरेका हुन् ।

‘मितज्यू’ जेठ ८ गतेबाट देशब्यापी प्रदर्शनमा आउँदैछ ।