११ साउन, गुल्मी । रेसुङ्गा नगरपालिका–६ सिमाघाटका कृषक प्रेम नेपालीले बेमौसमी फूल उत्पादन गरिरहेका छन् ।
विगत दश वर्षदेखि करिब १२० रोपनी क्षेत्रफलमा विभिन्न तरकारी खेतीका साथै उनले बेमौसमी फूल खेती पनि गर्दै आएका छन् ।
नेपालीले यस सिजनमा डेढ रोपनी क्षेत्रफलमा सयपत्री फूलको बेमौसमी खेती गरेका छन् । उनको फार्ममा उत्पादन भएका सयपत्री फूलहरू अहिले बजारमा बेच्नका लागि तयार भएका छन ।
प्रेम नेपालीले मौसम बाहिर उत्पादन गर्दा राम्रो आम्दानी हुने अपेक्षा बेमौसमी सिजनमा उत्पादन गरेको बताए ।
गुल्मी जिल्लामा बेमौसमी सिजनमा फूलको लागि बुटवललगायत अन्य ठाउँबाट ल्याउनुपर्ने अवस्था रहेको थियो ।
पछिल्लो समय जिल्लामै व्यवसायिक रुपमा मौसमी रुपमा फूल खेती हुने गरेको छ । तर, बेमौसमी सिजनमा भने कमैले खेती गरेको पाइन्छ ।
बेमौसमी फूल उत्पादनमार्फत नेपालीले कृषिमा व्यवसायिकता र सम्भावनाको नयाँ उदाहरण प्रस्तुत गरेका छन् ।
नेपालीले मागका आधारमा फूल बजारमा पठाउने तयारी गरेको बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4