News Summary
Generated by OK AI. Editorially reviewed.- राष्ट्रिय सभा सदस्य डा. अन्जान शाक्यले संघीय निजामती सेवा सम्बन्धी विधेयकबाट कुलिङ अफ पिरियडसम्बन्धी प्रावधान हटाउन प्रस्ताव राखेकी छन्।
- डा. शाक्यले कुलिङ अफ पिरियड स्वार्थको द्वन्द्व व्यवस्थापनसम्बन्धी विधेयकसँग सम्बन्धित भएकाले निजामती सेवा विधेयकबाट हटाउनुपर्ने तर्क गरेकी छन्।
- उनले राष्ट्रिय सभा नियमावली २०७५ को नियम १०६ बमोजिम राखेको संशोधन गलत व्याख्या भएको भन्दै संसद सचिवालयसँग असन्तुष्टि पनि जनाएकी छन्।
११ साउन, काठमाडौं । राष्ट्रिय सभा सदस्य डा. अन्जान शाक्यले सरकारी कर्मचारीका लागि प्रस्तावित कुलिङ अफ पिरियड स्वार्थको द्वन्द्वसम्बन्धी विधेयकसँग सम्बन्धित रहेको बताएकी छन् ।
संघीय निजामती सेवा सम्बन्धी विधेयकमा २ वर्ष कुलिङ अफ पिरियड रहने प्रावधान छ । विधेयकबाट कुलिङ अफ पिरियडसम्बन्धी प्रावधान हटाउने प्रस्ताव उनको छ ।
यससम्बन्धी प्रावधान रहेको दफा ८२ मा संशोधन राखेर डा. शाक्यले यो विषय ‘स्वार्थको द्वन्द्व व्यवस्थापनका सम्बन्धमा व्यवस्था गर्न बनेको विधेयकसँग सम्बन्धित भएको हुनाले यस विधेयकबाट हटाउने’ तर्क गरेकी छन् ।
डाक्टर शाक्यले राष्ट्रिय सभा नियमावली २०७५ को नियम १०६ बमोजिम राष्ट्रिय सभा विधेयकमा हालेको संशोधनलाई गलत ढंगले व्याख्या गरिएको भनेर पनि असन्तुष्टि जनाएकी छन् । उनको असन्तुष्टि संसद सचिवालयसँग छ ।
कुलिङ अफ पिरियड सम्वन्धमा सरकारको प्राथमिकतामा परेको ‘स्वार्थको द्वन्द्व व्यवस्थापनका सम्वन्धमा व्यवस्था गर्न बनेको विधेयकसँग सम्वन्धित भएकाले निजामती सेवा विधेयकबाट हटाउने भनेर आफूले उल्लेख गरे पनि संशोधन प्रस्तावको एकीकृत विवरणमा फरक ढंगले आएको भन्दै उनले असन्तुष्टि व्यक्त गरेकी हुन् ।
उनको सचिवालयका अनुसार एकीकृत संशोधनको विवरणमा राखेका शब्दले भ्रम सिर्जना गरेको भनेर संसद सचिवालयको समेत ध्यानाकर्षण गराएकी छन् । आफूले राखेको संशोधन प्रस्ताव भन्दा फरक उल्लेख भएकाले गोलमटोल नगरी बुझ्ने भाषामा सच्याउन समेत विधेयक शाखालाई उनले आग्रह गरेकी छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4