अस्पताल पुगेर माग्ने बुढाले प्रदान गरे आर्थिक सहयोग

News Summary

Generated by OK AI. Editorially reviewed.

अभिनेता केदार घिमिरेले सौन्दर्य प्रतियोगिता 'एमस नेपाल इन्टरनेसनल २०२३' विजेता सीता सुवेदीलाई ५१ हजार रुपियाँ आर्थिक सहयोग गरेका छन्।
घिमिरेले सुद्धिग्राम आयुर्वेदिक अस्पतालमा पुगेर उपचाररत सुवेदीलाई सहयोग प्रदान गरेका हुन्।
सुवेदी फोक्सोको क्यान्सरको उपचारमा रहेकी छन् र उनले २०२३ मा उक्त प्रतियोगिता जितेकी थिइन्।

काठमाडौं । अभिनेता केदार घिमिरे ‘माग्ने बुढा’ले स्वास्थ्य समस्याबाट जुधिरहेकी सौन्दर्य प्रतियोगिता ‘एमस नेपाल इन्टरनेसनल २०२३’ विजेता सीता सुवेदीलाई ५१ हजार रुपियाँ आर्थिक सहयोग गरेका छन् ।

सुवेदीको उपचार भैरहको सुद्धिग्राम आयुर्वेदिक अस्पतालमा पुगेर उनले अर्थ सहयोग प्रदान गरे ।

‘उहाँजस्तो सक्षम, सकारात्मक र सक्रिय व्यक्तित्व कठिन परिस्थितिमा रहनु पीडादायक कुरा हो । मेरो यो सहयोग सानो भए पनि प्रेरणा र हौसला बन्न सकोस्’ घिमिरेले भने ।

उनले संकटको घडीमा अन्य व्यक्तिलाई पनि सहयोगमा जुट्न आग्रह गरे । प्रतियोगिताका प्रमुख निशुकान्त झाले कलाकार घिमिरेद्वारा प्रदान गरिएको आत्मीय सहयोग प्रेरणादायी रहेको बताए ।

‘माग्ने बुढाले’ यसअघि ललितपुरमा आयोजित समारोहमा सुवेदीलाई ५० हजार रुपैयाँ सहयोग गर्ने बताएका थिए । केही समयदेखि फोक्सोको क्यान्सरको उपचारमा रहेकी सीताले २०२३ मा उक्त ताज जितेकी थिइन् ।