सुटकेसमा बच्चासहित यात्रा गर्ने न्युजिल्याण्डकी एक महिला पक्राउ

News Summary

Generated by OK AI. Editorially reviewed.

न्युजिल्याण्डमा आइतबार एक महिलालाई बसमा यात्रा गरिरहेको अवस्थामा दुई वर्षीया बालिकालाई दुर्व्यवहार र बेवास्ता गरेको आरोपमा पक्राउ गरिएको छ।
काइवाका बस डिपोमा बस चालकले झोलाभित्र दुई वर्षीया बालिका भेटेपछि प्रहरीलाई खबर गरेका थिए, जसलाई अस्पतालमा स्वास्थ्य परीक्षण भइरहेको छ।
पक्राउ परेकी २७ वर्षीया महिलाले बालिकालाई अस्तव्यत अवस्थामा छोडेकी थिइन् र बालबालिका मन्त्रीलाई जानकारी दिइएको छ।

१८ साउन, काठमाडौं । न्युजिल्याण्डकी एक महिलालाई बसमा यात्रा गरिरहेको अवस्थामा आइतबार पक्राउ गरिएको छ ।

‘डिटेक्टिभ इन्स्पेक्टर’ सिमोन ह्यारिसनका अनुसार ती महिलामाथि बच्चालाई दुर्व्यवहार गरेको र बेवास्ता गरेको आरोप लगाइएको छ ।

अकल्याण्डबाट १०० किलोमिटर उत्तरमा रहेको काइवाकामा रहेको बस डिपोमा बस चालकले एउटा झोलाभित्र केही चलिरहेको पाएपछि प्रहरीलाई बोलाइएको थियो ।

‘चालकले प्रहरीको अगाडी सुटकेस खोल्दा उनीहरूले त्यहाँ दुई वर्षीया बालिकालाई भेट्टाएका थिए,’ ह्यारिसनले भने ।

‘सानी केटी आत्तिएर निकै तातो भएको रिपोर्ट गरिएको थियो तर अन्यथा शारीरिक रूपमा उनको कुनै क्षति भएको थिएन।’

ती महिलाले आफ्नो सुटकेस र अन्य सामान बसका यात्रुको तल छुट्टै कम्पार्टमेन्टमा राखेकी थिइन् । ह्यारिसनका अनुसार अहिले ती बालिकाको अस्पतालमा व्यापक स्वास्थ्य परीक्षण भइरहेको छ ।

बालिकालाई अस्तव्यत छोडिएको अवस्थामा २७ वर्षीया एक महिला पक्राउ परेकी छन् । न्युजिल्यान्डका बालबालिका मन्त्री ओरंगा तामरिकीलाई यसबारे जानकारी दिइएको छ ।