विपना थापाले साइन् गरिन् ‘सुख दुःख’

News Summary

Generated by OK AI. Editorially reviewed.

अभिनेत्री तथा निर्मात्री नीता ढुंगानाले निर्देशन गर्न लागेको फिल्म 'सुख दुःख'मा विपना थापा अनुबन्धित भएकी छन्।
फिल्म 'सुख दुःख'मा मिथिला शर्मा र मदनकृष्ण श्रेष्ठ पनि अनुबन्धित भइसकेका छन्।
यो फिल्मलाई भारतीय छायाँकार कवीर लाल र शाहिद लालले छायांकन गर्दैछन् र २०८३ सालको दशैंको फूलपातिमा प्रदर्शन हुने अपेक्षा गरिएको छ।

काठमाडौं । अभिनेत्री तथा निर्मात्री समेत रहेकी नीता ढुंगानाले निर्देशन गर्न लागेको फिल्म ‘सुख दुःख’मा विपना थापा अनुबन्धित भएकी छन् ।

थापाले निर्मात्री ढुंगानाको अघिल्लो फिल्म ‘ह्रस्वदीर्घ’बाट लामो समयपछि घरेलु फिल्ममा पुनरागमन गरेकी थिइन् । दुई अभिनेत्रीले दोस्रोपटक फिल्ममा लगातार सहकार्य गर्न लागेका हुन् ।

‘सुख दुःख’मा आफू जोडिन पाउँदा खुसी लागेको थापाले बताइन् । कथाले आफ्नो मन छोएको बताउँदै उनले फिल्मलाई लिएर उत्साहित रहेको प्रतिक्रिया दिइन् ।

निर्देशक ढुंगानाका अनुसार यो फिल्ममा विपनाको महत्वपूर्ण भूमिका हुनेछ । यो फिल्ममा यसअघि मिथिला शर्मा, मदनकृष्ण श्रेष्ठ अनुबन्धित भैसकेका छन् ।

यो फिल्मलाई भारतीय छायाँकारद्वय कवीर लाल र शाहिद लालले छायांकन गर्दैछन् । ‘नीता फिल्म्स’को ब्यानरमा बन्न लागेको यो फिल्म २०८३ सालको दशैंको फूलपातिमा प्रदर्शन हुने अपेक्षा गरिएको छ ।

वितरण अधिकार काठमाडौं उपत्यकाबाहिर एफडी कम्पनी र काठमाडौं उपत्यकाभित्र रीच इन्टरटेनमेन्टले लिएका छन् ।