चिलिमे हाइड्रोपावरको नाफा बढे पनि घट्यो प्रतिसेयर आम्दानी

News Summary

Generated by OK AI. Editorially reviewed.

चिलिमे हाइड्रोपावरले गत आर्थिक वर्षको चौथो त्रैमासिक अपरिस्कृत वित्तीय विवरण सार्वजनिक गरेको छ।
कम्पनीको खुद नाफा ६७ करोड ९५ लाख रुपैयाँ पुगेको छ, जुन अघिल्लो वर्षको ६७ करोड ८५ लाख रुपैयाँभन्दा सामान्य बढेको हो।
प्रतिसेयर आम्दानी घटेर ७ रुपैयाँ ७४ पैसा पुगेको छ, कारण बोनस सेयरले चुक्ता पूँजी ८ अर्ब ७८ करोड रुपैयाँ पुगेको हो।

२७ साउन, काठमाडौं । चिलिमे हाइड्रोपावरले गत आर्थिक वर्षको चौथो त्रैमासिक अपरिस्कृत वित्तीय विवरण सार्वजनिक गरेको छ ।

सार्वजनिक विवरणअनुसार गत आर्थिक वर्षमा कम्पनीको खुद नाफा ६७ करोड ९५ लाख रुपैयाँ छ । अघिल्लो आवको तुलनामा नाफा सामान्य बढेको हो । अघिल्लो आर्थिक वर्षको नाफा ६७ करोढ ८५ लाख रुपैयाँ थियो ।

गत आर्थिक वर्षमा कम्पनीले विद्युत् बिक्रीबाट १ अर्ब १२ करोड रुपैयाँ आम्दानी गरेको छ । नाफा बढे पनि कम्पनीको प्रतिसेयर आम्दानी घटेको छ । वार्षिक प्रतिसेयर आम्दानी पहिले ८ रुपैयाँ १० पैसा रहेकोमा गत आर्थिक वर्षमा ७ रुपैयाँ ७४ पैसा छ ।

नाफा बढ्दा पनि प्रतिसेयर आम्दानी घट्नुको कारण सेयर संख्या बढ्नु हो । बोनस सेयरका कारण कम्पनीको चुक्ता पूँजी ८ अर्ब ७८ करोड रुपैयाँ पुगेको छ । अघिल्लो आर्थिक वर्षमा ७ अर्ब ९८ करोड रुपैयाँ थियो ।

प्रतिसेयर नेटवर्थ १३० रुपैयाँ ५९ पैसा छ । बजारमा सेयर मूल्य प्रतिकित्ता ५२८ रुपैयाँ छ ।