अपी पावरले दिव्य ज्योति हाइड्रोपावर खरिद गर्ने

News Summary

Generated by OK AI. Editorially reviewed.

अपि पावर कम्पनीले दिव्य ज्योति हाइड्रोपावरलाई प्राप्ति गर्ने निर्णय गरेको छ।
दिव्य ज्योति हाइड्रोपावरको ५० मेगावाट क्षमताको मस्र्याङ्दी बेसी जलविद्युत आयोजना सञ्चालन गर्ने योजना छ।
अपि पावरले दिव्य ज्योति हाइड्रोपावरका सबै सेयर खरिद गरी व्यवस्थापन गर्नेछ।

२८ साउन, काठमाडौं । अपी पावर कम्पनीले अर्को कम्पनी दिव्य ज्योति हाइड्रोपावरलाई प्राप्ति (एक्वीजिसन) गर्ने भएको छ ।

मंगलबार साँझ बसेको अपी पावरको सञ्चालक समितिले दिव्य ज्योति हाइड्रोपावर खरिद गर्ने निर्णय गरेको हो । दिव्य ज्योति हाइड्रोपावरले हाल प्रवद्र्धन गरिरहेको ५० मेगावाट क्षमताको मस्र्याङ्दी बेसी जलविद्युत आयोजना निर्माण तथा सञ्चालन गर्नु उपयुक्त हुने देखिएकाले कम्पनी खरिद भएको अपीले जनाएको छ ।

खरिदपछि दिव्य ज्योतिका सेयरधनीको सम्पूर्ण सेयर अपीको नाममा हुनेछ । साथै कम्पनीको सबै व्यवस्थापन अपी पावरको स्वामित्वमा रहेर हुनेछ । अपी पावर दोस्रो बजारमा सूचीकृत भइसकेको कम्पनी हो भने दिव्य ज्योति नयाँ कम्पनी हो ।

साथै अपी पावरको सञ्चालक समिति बैठकले दिव्य ज्योतिलाई प्राप्ति गर्न पूर्ण अधिकारसहित कम्पनीका कार्यकारी सञ्चालक सञ्जिव न्यौपानेलाई मस्यौदा, शर्त तथा करारनामा गर्ने अख्तियारी दिने निर्णय गरेको छ ।