दशकपछि दीपाश्री र नीताको सहकार्य तय, साइन् गरिन् ‘पार्वती’

News Summary

Generated by OK AI. Editorially reviewed.

फिल्म 'पार्वती'मा अभिनेत्री तथा निर्देशक दीपाश्री निरौलाले निर्मात्री नीता ढुंगानासँग लिखित सहमति गरेर अनुबन्धित भएकी छन्।
निर्मात्री नीता ढुंगानाले दीपाश्रीलाई आफ्नो प्रोजेक्टमा पाउँदा ठूलो कुरा भएको बताउनुभयो।
फिल्म माघ १ गतेदेखि प्रदर्शनमा आउनेछ र सहायक निर्देशकमा चर्चित डान्स ग्रुप 'कार्टुन्ज क्रू'का सरोज अधिकारी अनुबन्धित भएका छन्।

काठमाडौं । फिल्म ‘पार्वती’मा अभिनेत्री तथा निर्देशक दीपाश्री निरौला अनुबन्धित भएकी छन् ।

निर्मात्री तथा निर्देशक नीता ढुंगानासँग निरौलाको लिखित सहमति भएको छ । निर्माताले पठाएको इमेलमा दीपाश्री र नीताबीच समझदारी भएको देख्न सकिन्छ ।

यसअघि दीपाश्रीले नीताको फिल्म खेल्ने चर्चा लामो समयदेखि भैरहेको थियो । मंगलबार चाहिँ यी दुईबीच लिखित सहमति भएको छ ।

‘उहाँ मेरो प्रोजेक्टमा हुनु मेरो लागि ठूलो कुरा हो’ नीताले भनिन् । साइन गरेपछि दीपाश्रीले १२ वर्षअघि नीतासँगको सहकार्यको स्मरण गरिन् ।

२०७० सालमा रिलिज भएको फिल्म ‘६ एकान ६’मा दीपा र नीताले सहकार्य गरेका थिए ।

‘अहिले यो साउनको महिना । शिव-पार्वती जोडिएको महिना र पार्वती जस्तो फिल्ममा लिड रोलमा मौका पाएँ । धन्यवाद, मलाई सम्झेकोमा’ उनले भनिन् ।

यसैसाता चर्चित डान्स ग्रुप ‘कार्टुन्ज क्रू’का सरोज अधिकारी सहायक निर्देशकको रूपमा अनुबन्धित भएका थिए ।

फिल्म आगामी माघ १ गतेदेखि प्रदर्शनमा आउनेछ । फिल्ममा नीता, दीपाश्रीबाहेक अन्य कलाकारको नाम भने खुलाइएको छैन ।

दीपाश्रीको कुरा गर्दा, उनले पछिल्लोपटक फिल्म ‘छक्कापञ्जा ५’ निर्देशन गरेकी थिइन् ।