मोडल उषा उप्रेतीले साइन गरिन् ‘आ बाट आमा’

News Summary

Generated by OK AI. Editorially reviewed.

म्युजिक भिडियोकी चर्चित मोडल उषा उप्रेतीले दोस्रो फिल्मको रुपमा ‘आ बाट आमा’ साइन गरेकी छन्।
‘आ बाट आमा’ फिल्म चन्द्र पन्तले निर्देशन गर्नेछन् र भदौदेखि छायांकन सुरु हुनेछ।
फागुन १५ गते देशभर प्रदर्शनमा आउने ‘आ बाट आमा’ को वितरण अधिकार आरआर फिल्म्सले लिएको छ।

काठमाडौं । म्युजिक भिडियोकी चर्चित मोडल उषा उप्रेतीले दोस्रो फिल्मको रुपमा ‘आ बाट आमा’ साइन गरेकी छन् ।

चन्द्र पन्तले निर्देशन गर्ने फिल्मको शीर्षमध्येको भूमिकामा उनलाई अनुबन्धित गरिएको जनाइएको छ । उनको अघिल्लो फिल्म ‘आचार्य’को छायांकन भदौ ५ गतेदेखि सुरु हुँदैछ, जसलाई निखिल उप्रेतीले निर्देशन गर्दैछन् ।

‘आ बाट आमा’मा उषाको भूमिकाबारे खुलाइएको छैन तर महत्वपूर्ण भूमिका भनिएको छ ।

यसअघि यस फिल्मको अभिनय कलाकारमा पल शाह, सिम्रन पन्त, विपना थापा र दक्षिण भारतीय अभिनेता प्रदीप रावत अनुबन्धित भैसकेका छन् ।

आर्या इन्टरटेन्मेन्टको ब्यानरमा निर्माण हुने फिल्मको छायांकन भदौबाट सुरु गरिने निर्माण टिमले जनाएको छ ।

फिल्मको वितरण अधिकार आरआर फिल्म्सले लिएको छ । निर्माण पक्ष र आरआर फिल्म्सका प्रतिनिधि रोहित कट्टेल र रत्न श्रेष्ठबीच हालै सम्झौता भएको हो ।

‘आ बाट आमा’ फागुन १५ गते देशभर प्रदर्शनमा आउने तय भएको छ ।