रविविरुद्धको निवेदनमा उच्च अदालत पोखरामा सुनुवाइ हुँदै

फाइल तस्वीर

News Summary

Generated by OK AI. Editorially reviewed.

उच्च अदालत पोखरामा पूर्वगृहमन्त्री रवि लामिछानेलाई धरौटीमा छाड्ने आदेश विरुद्ध परेको निवेदनमाथि सुनुवाइ सुरु भएको छ।
जिल्ला अदालत कास्कीले लामिछानेलाई ६५ लाख रुपैयाँ धरौटीमा रिहा गरेको थियो र सरकारी वकिलहरूले आदेश बदर गरी थुनामा राख्न माग गरेका छन्।
सरकारी वकिलहरूले बहस सकेपछि लामिछानेका कानुन व्यवसायीहरूले बहस गर्नेछन्।

२९ साउन, काठमाडौं । पूर्वगृहमन्त्री रवि लामिछानेलाई धरौटीमा छाड्ने आदेश विरुद्ध परेको निवेदनमाथि उच्च अदालत पोखरामा सुनुवाइ सुरु भएको छ ।

मुख्य न्यायाधीश डा. रत्नबहादुर बागचन्द र न्यायाधीश दिपेन्द्र अधिकारीको इजलासमा सुरुमा सरकारी वकिलहरूले बहस गरेका छन् । त्यसपछि लामिछानेका कानुन व्यवसायीहरूले बहस गर्नेछन् ।

जिल्ला अदालत कास्कीले २५ पुस, २०८१ मा सूर्यदर्शन सहकारीको रकम ठगी गरेको आरोप लागेका पूर्वगृहमन्त्री लामिछानेलाई ६५ लाख रुपैयाँ धरौटीमा रिहा गरेको थियो ।

जिल्ला अदालत कास्कीको आदेश विरुद्ध सरकारी वकिलहरू उच्च अदालत पोखरा पुगेका थिए । उनीहरूलाई जिल्लाको आदेश बदर गरी रविलाई थुनामै राखेर मुद्दाको प्रक्रिया अघि बढाउन माग गरेका छन् ।