आशिष अविरलले अमेरिकामा सञ्चालनमा ल्याए ‘रागा स्टुडियो’

News Summary

Generated by OK AI. Editorially reviewed.

चर्चित गायक तथा संगीतकार आशिष अविरलले मेरिल्याण्डको बाल्टिमोरमा 'रागा एन्ड आरएल स्टुडियो अमेरिका' संचालनमा ल्याएका छन्।
आशिष अविरलले 'द लस एन्जलस' ब्याण्डका गायक राजु लामासँग सहकार्यमा यो स्टुडियो स्थापना गरेको बताएका छन्।
संगीतकार अविरल ग्रीनकार्डमा अमेरिका पुगेका हुन् र चाँडै परिवारलाई पनि त्यता लग्ने तयारीमा छन्।

काठमाडौं । चर्चित गायक तथा संगीतकार आशिष अविरलले अमेरिकामा सांगीतिक स्टुडियो सञ्चालनमा ल्याएका छन् ।

‘द लस एन्जलस’ ब्याण्डका गायक राजु लामासँग मिलेर उनले मेरिल्याण्ड राज्यको बाल्टिमोरमा ‘रागा एन्ड आरएल स्टुडियो अमेरिका’ संचालनमा ल्याएका हुन् ।

स्टुडियो उद्घाटन समारोहमा बाल्टिमोरमा बसोबास गर्ने नेपाली कलाकारलाई देख्न सकिन्छ । गायक लामा चर्चित अभिनेत्री पूजा चन्दका श्रीमान समेत हुन् ।

नेपालमा पनि आशिषको रागा स्टुडियो संचालनमा छ । सामाजिक संजालबाट आशिष अविरलले आफू जहाँ भएपनि गीतसंगीतमै तल्लिन हुने बताएका छन् ।

उनी लेख्छन्, ‘ अब रागा स्टुडियो अमेरिकामा पनि ! नेपाली गीत संगीतकै यात्रामा म अमेरिकासम्म आको छु । जे छु गीत संगीतकै कारण छु । जे गर्ने छु । गीतसंगीत नै गर्ने छु । नेपाली गीत संगीतको सृजनामा हरदम तल्लीन हुनेछु । म अनि द एन्जलस ब्याण्डका राजु लामाज्यूको सहकार्यमा हामी यो संगीत कर्मलाई अघि बढ़ाउनेछु ।’

स्रोतका अनुसार, संगीतकार अविरल ग्रीनकार्डमा अमेरिका पुगेका हुन् । चाँडै उनले परिवारलाई पनि त्यता लग्ने बुझिएको छ । अविरलले १० हजार हाराहारीमा गीत कम्पोज गरेका छन् ।