प्राधिकरणले ज्वार्चनलाई तोक्यो नेवानिको उत्तरदायी अधिकारी

News Summary

Generated by OK AI. Editorially reviewed.

नेपाल नागरिक उड्डयन प्राधिकरणले नेपाल वायुसेवा निगमको उत्तरदायी अधिकारीमा वरिष्ठ क्याप्टेन दीपु ज्वार्चनलाई तोकेको छ।
कार्यकारी अध्यक्ष युवराज अधिकारीले जिम्मेवारी पूरा नगरेपछि प्राधिकरणले उनलाई उत्तरदायी अधिकारीबाट बर्खास्त गरेको छ।
प्राधिकरणले १५ वैशाख, २० असार र ४ साउनमा पत्राचार गर्दा बेवास्ता भएपछि आफैंले ज्वार्चनलाई अन्तरिम सहजीकरण स्वरूप जिम्मेवारी दिएको हो।

३ भदौ, काठमाडौं । नेपाल नागरिक उड्डयन प्राधिकरणले नेपाल वायुसेवा निगम (नेवानि) को उत्तरदायी अधिकारीका रूपमा निगम सञ्चालन विभाग प्रमुख वरिष्ठ क्याप्टेन दीपु ज्वार्चनलाई तोकेको छ ।

निगमको उत्तरदायी अधिकारी कार्यकारी अध्यक्ष युवराज अधिकारी हुन् । तर, उनले जिम्मेवारी पूरा गर्न नसकेको भन्दै प्राधिकरणले उत्तरदायी अधिकारीबाट बर्खास्त गरेको छ । उनको स्थानमा ज्वार्चनलाई उक्त अधिकार प्राधिकरणले दिएको हो ।

प्राधिकरणले १५ वैशाख, २० असार र ४ साउनमा पत्राचार गर्दै उत्तरदायी अधिकारी तोक्न भने पनि बेवास्ता गरिएको भन्दै अहिले आफैंले अधिकारी तोकिदिएको हो ।

प्राधिकरणले अन्तरिम सहजीकरण स्वरूप ज्वार्चनलाई उक्त जिम्मेवारी तोकिदिएको समेत जनाएको छ । नेवानिको वायुसेवा सञ्चालन प्रमाणपत्र (एओसी) को वैधता कायम राख्न उत्तरदायी अधिकारीको नियुक्तिलाई वैधानिकता दिन भनेको छ ।